الصوت المسافر
ألا يا ريحة الصوت المسافر من بقايا إنسان
أحس إنك تعيش الموت
وتموت يعيشه الحرمان
أحس إنك تعيش الليل في صمته
وينزف داخلك وجدان
أحس إنك بقايا ريحة القهوة
بقايا الهيل …… والدلة …… وآخر قطرة الفنجان
أحس إنك مثل ضحكة يتيم
تدمع الضحكة …… ويكسر خاطره أحزان
أحس إنك غريب …. وداخله غربة …. وسكن مهجور
أحسك وحشة للعطشان
أنا مدري يغنيك الحزن
ولا الفرح يحزن ويرثي عمرك المنثور
وتبقى سيرتك أزمان
أنا والله ما أدري وش بقالك من بقايا إنسان
إنت إنسان …. ؟ ولا مات فيك إنسان ………؟ ولا انته بقايا من بقايا إنسان ؟!