الشاعرة الكويتية المبدعة المرحومة…عابرة سبيل…وقصيدة حزينة
الشاعرة الكويتية المبدعة المرحومة…عابرة سبيل…وقصيدة حزينة
هذة الله يرحمها شاعرة ابياتها وافية وجزلة وطيبة…كانت قبل وفاتها قالت هالقصيدة الحزينة…..
تقول قصيدتها لزوجها….
ترى الذبايح و أهلها مـاتسلينـي
أنا أدري إن المرض لا يمكن علاجه
أدري تبي راحتي لايا بعـد عينـي
حرام ما قصرت يديـك فـي حاجـه
أخـذ وصاتـي وأمانـه لا تبكينـي
لو كان لك خاطرٍ ما ودي إزعاجـه
أبيك في يديك تشهدنـي وتسقينـي
أمانتـك لا يجـي جسمـي بثلاجـه
لف الكفن في يديك وضف رجلينـي
ما غيرك أحدٍ كشف حسناه واحراجه
أبيـك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى ما بينك وبيني
أيام نمشـي عـدل وأيـام منعاجـه
همي عيالي وأنا اللي فيْ ..كافينـي
علمهم الديـن تفسيـره ومنهاجـه
وسلامتكم