الرشيدي والعنزي
محاورة الطيارة الشراري والرشيدي والعنزي
هذه قصيدة للشاعر الشراري
القصيده مشهوره وانتشرت عبر البلوتوث
وهي قصيده عن الطائره وعن سفره بها من القريات
والخوف الذي عاناه من السفر عبرها وانها معجزه
ويرويها لنا بهذه القصيده الفكاهيه
وهو يقول ::::
ودعـت ناجـح مـن مـطـار القـريـات=
يــوم اركبـونـا الطـايـره واشلعـتـنـا
لفت ودارت وامرجـت بيـن لحظـات=
لــولا الكـراسـي والمـحـازم رمـتـنـا
طاروبـنـا حـمـر العـلابـي خـواجـات=
صـغــر الـعـيـون وجـيـهـم هولـتـنـا
تكـفـى تشـهّـد يافـهـد وإقـــر آيـــات=
الـمـوت جـانـا والـظـروف اجبرتـنـا
جانا المضيف قال وش فـي خدمـات=
قـلــت نـزلـونـا ابـطـونـا موجعـتـنـا
من قبل أشوف الغيم دون السماوات=
واليـوم اشـوفـه يافـهـد مــن تحتـنـا
عـزالله انـي مـا حسـبـت الحسـابـات=
والآ تــــرى سـيـارتــي مـوصـلـتـنـا
يازين ممشا الارض لو هي مسافات=
لـنــا بشـعـيـب مجـهـزيـن قـهـوتـنـا
وش جابـنـي لطـايـره والـمـطـارات=
والله مـعــود اركـوبـهــا ان نـزلـتـنـا
لــو تنفجرقـامـت تـذيـع المـحـطـات=
رح عــاد دوّر قـشـنـا مـــع اجثـثـنـأ
وقد رد علية الشاعر / عــــــــــــوض عــــــايض الرشيدي
وهو من سكان المدينة المنورة وهذه القصيده يقول فيها :::
حـي الجـواب وحـي كــل الـشـرارات=
معـربـيـن اجــــدود فــــي مملـكـتـنـا
مــن كــل قلـبـي لـشــراري تـحـيـات=
الــي نـضـم جــزل القـوافـي وجـتـنـا
عبـر الهواتـف واعجبـت كـل فيئـات=
المجـتـمـع كـلــه يــقــول اعجـبـتـنـا
قصـيـدتـه باالـطـايـره والـخـواجــات=
الــي صفتـهـم غـيـر مـاهـي صفتـنـا
يـقـول كــن صــار بــالارض هــزات=
يــــوم الـخـواجــه تـلـهــا روعـتـنــا
ولحظه وداع الارض شاف المتاهات=
فـــوق الـغـيـوم الـطـايـره دوخـتـنــا
لحظه سكون وصمـت مابـه حركـات=
عـلـى الكـراسـي رابطـيـن احزمـتـنـا
وسيطر عليه الخوف ما من سلامات=
ويــقــول عــــن ركـوبـهــا تـوبـتـنـا
قـصــه حقـيـقـه ولاهــــي خــيــالات=
وماقـال كلـه صــدق فــي مصلحتـنـا
والخوف ماهو من صفات الشرارات=
الا مــــــن الله تـــكــــده مـعـرفـتــنــا
اكيـد يمـزح يـوم شــاف المضيـفـات=
يقـول شـفـت الـمـوت فــي طايرتـنـا
والحكـي ماينـفـع بشـيـن الـيـا فــات=
وبعض المواقـف خارجـه عـن لغتنـا
والـخـوف وارد والمشـاكـل كثـيـرات=
وقـصـيـدتــه بـالـطـايــره ذكــرتــنــا
بالخـوف عنـد اقلعهـا صـدق بالـذات=
والله مـلـومــه مـعــجــزه عـجـزتـنــا
سريعـتـن تـطـوي بعـيـد المـسـافـات=
ولــو يختـلـف مـسـارهـا زعزعـتـنـا
بيـن السمـا والارض مالهـا محطـات=
صـنــع الـخـواجــه كـلـنــا خـوفـتـنـا
والصدق واضح ماعليـه اعتراضـات=
وقـصـيـدتـه بـالـطـايــره شـجـعـتـنـا
علـى اختيـار الـرد فـي جملـة ابيـات=
ومنـه السمـوحـه كــان مــا جملتـنـا
والـمـوت لا جـانـا يجيـنـا مـفـاجـات=
بالـطـايـره ولا عـلــى الارض مـتـنـا
ثم رد عليه الوايلي ( عنزي) بهذه القصيده :
يـامـودعٍ نـاجـح بـمـطـار الـقـريـات=
قصتـك لــو تضـحـك تــرى حيرتـنـا
يـالـيـت مـاقـالـوا تـرانــا شـــرارات=
لـيـت الـخـوي قــال لخـويـه سكتـنـا
هذي قبيلة(ن) تنعـرف بالشجاعـات=
كــلاً تـقــول مـــن القـبـايـل غـزتـنـا
بالطايره لو مت من عرض من مات=
ولا قــلــت ان الـطـايــره خـوفـتـنــا
بالطـايـره خـايـف وبالقـلـب دقـــات=
قـلـت العـيـون الـلـي تبـيـنـا بكـتـنـا
لا تفتخـر بالخـوف وتسجـل ابـيـات=
لـو انــت مــا سجلتـهـا مــا شمتـنـا
الناس يا ابن النـاس ترقـى درجـات=
هــــذي رجــــال بـوقـتـنـا علـمـتـنـا
شف الشجاع اللي يرقى بالطويـلات=
فـوق القـمـر يحـمـل عـلـم مملكتـنـا
سلطـان بـن سلمـان زبـن الومـيـات=
الــلــي فـعــولــه بـــــدوٍ شـرفـتـنــا
هـــذا كـــلام الـوايـلـي بــالإشــارات=
يـــوم الشـمـالـي قـصـتــه زعـلـتـنـا
والختـم صلـوا باسـم رب السمـوات=
علـى الرسـول المصطـفـى خاتمتـنـا
ثم رد عليه أبن مطرود الشراري بالتالي :
هذا حديـدٍ مـا يعـرف الشجاعـات=
ولهـو آدمـي وتخـوّفـه مرجلتـنـا
عنتر بلش بالثور صابه مخافات=
لا سالميـن مـن بلشتـه وابلشتنـا
يالوايلي لا تشك مـا بنـا مشكـات=
الآوادم كـــلـــهـــا عــارفــتـــنـــا
حنا نحب الضحك بالشعر وابيات=
لو قلت خوف الناس مـا صدقتنـا
كل ما سمعته بالقصيـده دعايـات=
لا يصيـر شـك الطـايـره خوفتـنـا
المرجلـه معنـا عليـهـا شـهـادات=
إن مــا شرينـاهـا تـراهـا شرتـنـا
لو ندعي بالخوف مزح وخرافات=
والحرب خبـه للجيـوش اجهلتنـا
إلى انسحب يرجع بقوه وهجمات=
لين العـدو ينحـاش مـن منطقتنـا
وان كان سلطان ارتفع للمجـرات=
قبلـه امريـكـا وروسـيـا سابقتـنـا
خل المحاور بيني وبينـك بالـذات=
لا تـدخـل الأمــار فـــي سالفـتـنـا