الحلم_ حامد زيد
بوقت من البطا وبليل تتراقص شياطينه
بعد شفت الضيا ينزع من ثياب المساء ثلثين
تحايلت المنام اللي مثل بيتك تمرينه
وأنا اللي من تفارقنا وأنا ماغمضت لي عين
غريبه كل حلم يمربرقادي تزورينه
والاغرب كيف أحلم الحلم وأرجع واحلمه بعدين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
أنا اللي قبل أسافر شلت قلبي من شرايينه
تركته في إيدك مثل الامانه واحفظيها زين
ترى حفظ الامانه دين مجبوره تردينه
أجل مافيه أحد قد قالك حفظ الامانه دين
مرد المقفي بيلفي ويستوفي وتوفينه
بعدليله ثلاثه اربعه عشره شهر شهرين
إذ أنتي منتي قد الكلام اللي تقولينه
حرام استإمنك حاجه واذا اطلبك تنسين
تخونين وتبين أرضى وأحد يرضى تخونينه
أنا لاجيت اخونك مع حبيبه ثانيه ترضين
من اول مارجعت من السفر ماشفتلك بينه
وانا اللي كنت احسبك قبل ادوس ارض المطار تجين
تكونين إنتي أول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل تحكينه
واجيب احلى من اللي بتحكينه واتركك تحكين
تقولين الوطن نور واقول بنور مضوينه
تقوليلي غديت احلى واقول عيونك حلوين
كلام نام بشفاهك وخفتي لاتصحينه
ذخرتي الغرام اللي ينام ويتركك تصحين
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك لاقيتبه شي فيني ماتلاقينه
ماهو غرور لاكن خابرك مافي امل تلقين
تغافلك بغلا وألا الحلا ماهو من زينه
تزينه الصور بس الصحيح إبن الحلال زوين
وانا ماني بناقص عنه يوم إنك تبدينه
نصيبي هو نصيبي لو يسددها من الصوبين
قنوع بمظهري والسم مايذبح ثعابينه
على قول المثل ماني حلو لاكن ماني بشين
إذااهداك الزهر مره فانا اهديتك بساتينه
وإذا ألهاك بفرح ليله فاناتهت لبكاك سنين
واذا استضعفتك املاكه وشتتك ملايينه
اناحتى فتاة الخبزه اقسمها معك نصفين
طموحي بس أجي واظفر بشي تستحقينه
تدينته تسلفته سرقته مو مهم منين
كإني من كثر ماأرضى بكل اللي تمنينه
لو إنك تطلبين الله يعنيني بقول آمين
أنا مالعب على الحبلين وقت الطيش وسنينه
تيني اللحين يوم إني كبرت اللعب على الحبلين
ترى عند البدو بالذات عيب اللي تسوينه
حلاتك لاعشقتيني تعشقيني لايوم الدين
غرام نسكن ضلوعه حشيمه من مجانينه
جفا يجمع معزتنا ولاعشق يذل إثنين
كثار اللي تحدوني وقالولي تحبينه
أمانه لاتخليني صغير بعينهم تكفين
لانهم كل ماقالوا تخون أقول مسكينه
عليك الله وأمانه علميهم من هو المسكين
أنا خايف ليا طاح الجمل تكثر سكاكينه
وأنا ماعادت ضلوعي تحمل طعنة السكين
مثل ماقالوا المكتوب واضح من عناوينه
لوأرحل منك للغربه بسافر من ظلامك وين
كفايه كل حلم يمر برقادي تزورينه
كفايه من تفارقنا وأنا ماغمضت لي عين
قبل يومين شفتك بالمنام وقمت من حينه
ونمت أمس ورجع نفس المنام اللي قبل يومين