الثريا للشاعرحامد زيد
الثريا للشاعرحامد زيد
ليه تطعني وأنا ميت بليا
ماكفاك اللي حصلي قبل ساعة؟!
كن بين همومي وبينك حميه
جيتكم واحد وجيتوني جماعة
إنت منا.. والمصايب من هنيا
كلكم ضدي.. ترى ماهي شجاعة
ماابشع من جروح طعنات القفيا
غير سكين تصيب بها البشاعة
لا تتوب, ولا تذوب, ولا تريا
جرحها جرح, وفظاعتها.. فظاعة
ترتوي من فيض دم قلبي واتفيا
وصار قلبي مثل أخوها بالرضاعة
وانت ليل لو ضويته.. مايضيا
ضعت فيه.. وشفت نفسي في ضياعة
آتهيا وين ماأشوفه تهيا
وارسي بمرساه.. وشراعي شراعة
من عرفته والمحيا بالمحيا
ومايروح الأا ذراعي في ذراعة
إن رضيت أرضيه.. وإن عييت عيا
وإن طلبني قلت له: سمع وطاعة
ماعشقت من النجوم إلا (الثريا)
وماملكت من الكنوز الا القناعة
وإنت وجيوش الموادع والجفيا
كيف أوقف ضدكم, وانتم جماعة
لو بجيكم بالشجاعه.. والحميا؟؟
البلا ان(الكثره تغلب الشجاعة)