اشعار غزل 2019 , قصائد غزل و حب الصباح , كلام غزل الصباح و المساء

صوتك صباحي وإن تباطيت صوتك .!

يبطي صباحي , وآتعذّر من الشمس

يعني إذا طوّل عليّه سكوتك ؟

وإشتقت لي ؟ , تعال دوّرني بـ أمس .

صباح الخير في بالي أرددها من البارح ،،

تخيل عاد لك مني صباح الخير كم مره .؟

*يسعد صباحك كل مابانت الشمس

ويسعد مساءك كل ماظلّم الليل

غمستني ياصاحبي فالهوى غمس

ولا لحقني منك غير الغرابيل

*ياللي مداوم عليك البال مشغلني/
يسعد صباحك عساك بخير يالغالي/


*يسعد صباحك ويسعدك وين ماكنت
يـالـلـي خيالــك ويـن مـاروح ويـاي

في غيبتك ماغاب ذكرك ولا غبت
ألقاك في دمعي وفي بسمة شفاي

من كثر مالك في حياتي / تـواجـد
زرعت لك في وسط صدري بساتين

( يسعد صباحك ) قالها نـاس واجـد
لكنهـا منك تساوـي *( ملايين )

*وين أنت يا مسعد صباحي بطلتك
تعال أنا توي مـن النـوم صاحــي

بروي عيوني منك وأفرح بشـوفتك
يسعد صباحك يا محلي صباحـي

كان الصباح بضحكتك يجلب الخير
ياليت كل أيام عمري ،صباحات
ٰ
حتى الدوام بصوتك المخملي غير
يسعد صباحك يابعد كل الأصواتٰ

مقالات ذات صلة

زر الذهاب إلى الأعلى