احبك…………………….كثرما
احبك…………………….كثرما
احبك كثر ماطارت تحت شمس الزمان طيور
…………… احبك كثر ماشال السحاب الماء وفرط به
احبك كثر ماضاقت من اسباب الفراق صدور
…………… احبك كثر مامرت على شفاه البشر كذبه
احبك كثر مايمسي يتيم وخاطره مكسور
…………… احبك كثر مافـ الناس .. ناس ظروفها صعبه
احبك كثر ماتنقال هالكلمه بدون شعور
…………… احبك كثر ماتطري بنفس الآدمي رغبه
احبك كثر ماضاق المكان بواحد ٍ مقهور
…………… احبك كثر مافي دنية البحار من غربه
احبك كثر مايجلس على كتف الشجر عصفور
…………… احبك كثر مايشتاق حضن .. لحضن من حبـّه
احبك كثر ماضاعت حروف ٍ في حكي مبهور
…………… احبك كثر ماتعبث يدين الطفل باللعبه
احبك كثر ماردد حكيم .. ان الزمان يدور
…………… احبك كلمة ٍ لك قالها صادق .. ومن قلبه
احبك وادري اني قاسي وظالم .. غريب الطور
…………… بلحظه ممكن اقلبها على راسك بلا سبه
اغيب وكني الفرقا واصد وكن مالك دور
…………… اناني لحظة عنادي ولاتنفع معي طلبه
اعود ّ لك وانا خجلان شايل شوقي المغرور
…………… القى احلى ابتسامه تنتظر بشفاتك العذبه
عتابك لي بلحظات الغضب والنرفزه ..( مشكور )
…………… الا ياسعـْد من مثلي رماك الحظ في دربه
اقول آسف .. تقول اسكت .. ومثلك لاخطا معذور
…………… وتغرقني بعطفك لين ينسى خافقي ذنبه
بعد هذا حروفي لو تبي تكتبك صارت نور
…………… وانا فيك القصيد القاه .. يابعده وياقربه
لكن ذي وثيقة حب ..أسطـّرها وانا مجبور
…………… أبثبت لك حقوقك في خفوق ٍ مشغله ربه
احبك واعترف لو في يدي مابدّلك بالحور
…………… في عمري لقيتك طير غرد سابق ٍ سربه
احبك كثر ماطارت تحت شمس الزمان طيور
…………… احبك كثر ماشال السحاب الماء وفرط به