ابنى توفي هنا ولا انا بحلم يا جدعان
مر الاب وقعد يبكى حزنان
انا الى ابنى لسه حاضنى وقالى سلام
دمه لسه حاضر فى كل موضع
ابنى لقي حتفه هنا ولا انا بحلم يا جدعان
إذا كان ده حلم ولله يابنى لما هصحى هخدك فى حضنى حضن الامان
إذا كان حقيقه كان ياريتنى مت انا كمان
انا نفسى اشوفك دلوقتى واحضنك زى زمان
مش زمان اوى ده كان لسه امبارح بيسمعلى الى حفظه من القرأن
وبليل كان نايم امه حطت الغطا عليه عشان يكون دفيان
ياريتنى ما كنت صحيتك تنزل مدرستك بس خلاص الى كان كان
دلوقتى يابنى قاعد ابكى واصرخ يا ناااااس ابنى لقي حتفه تحت العجل عشان
نسيوا المزلقان
نسيوا المزلقان
نسيوا المزلقان
متعيطيش بقى … مانتى الى صحتينى …..
وقومت الصبح بدرى … لبست وفطرتينى …
وانتى الى بسرعه برضو … بوستينى وحضنتينى …
كان نفسى احضنك اكتر … وانتى الى استعجلتينى …
قولتيلى يالا بسرعه … ومش عايزة تأخرينى …
خدنى الاتوبيس وروحت … لمطرح ما يودينى …
اتارى فاضل ثوانى … وتخلص خلاص سنينى …
ياخسارة بقى كان نفسى .. تيجى وتودعينى …
كان نفسى افضل جنبك لحد ما تشوفينى …
هائل ياامى وحاجه انفع انا بيها دينى …
فى الازهر اتعلمت وايات ربى تنجينى …
فى الجنه ياامى عايش بلعب ويا زميلى …
ما هو برضو جه معايا مرضيش يخلينى …
هلعب معاه ياامى لحد ماانتى تجينى ..
عقب عمر طويل وساعتها هتلاعبينى …
والى هيجبلى حقى ربى الى حامينى …