أدوس الجمره برجلي وأبين دووم ضحكاتي ..

على حد السكوت الي جرح خـد الكـلام وذاب ..
وقفـت أودع البسمـه ابقتلهـا علـى شفاتـي ..

سعيـت أدور الفرحـه وأدور للهنـا أسبـاب ..
تعبت وتاهت دروب السعاده فـي مساحاتـي ..

طويت الحزن بيديني وفصلتـه علـى ثيـاب ..
تقول ان الحزن فيني شقا مخلـوق فـي ذاتـي ..

عشقت الليل لاطبق علـى عيـن النهار أهـداب ..
وغنت بـه نجومـ(ن) فـي سمـاه تردد آهاتـي ..

قصيد من الأسى سطر على لوح الزمان كتـاب ..
حروفـ(ن) حبرهـا دم الوريد وسيـل دمعاتـي ..

على غدر الزمان الي وقف مع صدمة الأصحاب ..
خساره كل ما أسامـح خطـاك تزيد صدماتـي ..

الا ياحظي المقفـي ترى عنـدي عليـك أعتـاب ..
قبل لا تبتعد عنـي تعـال وشيـل شرهاتـي ..

تصد بضحكتك عني وأنا الي ماحسبت احسـاب ..
عوااافـي كانها هانـت عليـك اليـوم عبراتـي ..

اشيلك هم في صدري ولا افتح للعـواذل بـاب ..
اشفـر موجـة الونـة ولـو تكبـر ” معانـاتـي ” ..

صحيح ان الغلا فاضح صحيح ان الهوى غلاب ..
ولكنـي ” أمـوت ” ولايهـز الــذل ” رآيـاتـي ” ..

تلوم الناس ماتدري وانا الي بالجفـا منصـاب ..
أدوس” الجمره ” برجلي وابيـن دوم ضحكاتـي ..

ألا ياهمـ(ن) بصدري ترعرع بالخفـوق وشـاب ..
مـادآم انك على قيـد الحيـاة اكتـب نهاياتـي ..