أتلي الزفرات
أتلي الزفرات وأسمع داخـل فـوادي ونيـن
وارسل العبرات وادري مادرى عنـي أحـد
واكتب الابيات واجمع كل بحر من الحزيـن
وتصرخ آلامي قصايد تشكي سنيـن النكـد
آه واويـلاه يالـي قـد نويتـي ترحلـيـن
بعدك جروحي عميقـة تستمـر الـى الأبـد
اكتبي قصة هوانـا داخـل فـوادك حنيـن
وارسمي لحظة لقانا يـوم هالكـون ابتعـد
واطربي بألحان شوقي واضحكي لي لحظتين
واسمعي فرحة خفوقي يوم حبـك لـه ولـد
كيف ياشمس بسمايه عن حياتـي تغربيـن
لو صمد قلبي لهمي فـي غيابـك ماصمـد
انثريني من ثيابـي فـوق نيـران السنيـن
واجمعيني في عذابي خالـد(ن) وبـلا أمـد
من فقد شوفك كره دنياه والوجـه الحسيـن
ومن فقد حضنك ثواني ياترى وش قد وجـد
دم حبي مـا تجمـد داخـل حبـال الوتيـن
لين جيتي تمطرين البعد فـي بـرق ورعـد
صاح قلبي عزتي لي لا متى وانتـي تجيـن
مثل لمح العين والغيبـات ماتحصـى عـدد
ماحسدت الغير في شي(ن) لهم حق(ن) مبين
غير قربك ماني بحاسـد أنـا كـل الحسـد