آخر كلمة…
متعيطيش بقى … مانتى الى صحتينى ….. وقومت الصبح بدرى … لبست وفطرتينى … وانتى الى بسرعه برضو … بوستينى وحضنتينى … كان نفسى احضنك اكتر … وانتى الى استعجلتينى … قولتيلى يالا بسرعه … ومش عايزة تأخرينى … خدنى الاتوبيس وروحت … لمطرح ما يودينى … اتارى فاضل ثوانى … وتخلص خلاص سنينى … ياخسارة بقى كان نفسى .. تيجى وتودعينى … كان نفسى افضل جنبك لحد ما تشوفينى … هائل ياامى وحاجه انفع انا بيها دينى … فى الازهر اتعلمت وايات ربى تنجينى …
فى الجنه ياامى عايش بلعب ويا زميلى … ما هو برضو جه معايا مرضيش يخلينى … هلعب معاه ياامى لحد ماانتى تجينى ..
في أعقاب عمر طويل وساعتها هتلاعبينى …
والى هيجبلى حقى ربى الى حامينى …