آآآآه ياظلم الليالي…آآآآه ياجرح الحبايب

يا عجايب هالزمان .. اللي غدا ,, كله عجايب
كل ما قلت ابتسم لي اثره يكشر بنابه

ما يعيش بهالزمان .. الا (ولد) ,, خاين , وعايب
والمحافظ عالمروه — والوفا ,, محدن درابه

والمصيبه اي مصيبه الا هي ام المصايب
ان جرحك ما يجيك الا من احباب ’’’ وقرابه

آآآآآه يا ظلم الليالي آآآآآآه ياجرح الحبايب
آآآآآآآه ياقلب ٍ طواه الهم في اول شبابه

يا زمن وش فيك علي ليه دوم الحظ خايب
(انت) و(الحظ الردي) و(الحب) كوّنتوا عصابه

ايه انا اللي خابرينه ايه انا قد الصعايب
لكن الكثرة تهد الحيـل وتزيد الكآآآآآبه

مقالات ذات صلة

ويش اسوي ؟؟ جيتكم واحد وجيتوني كتايب
ذا سيوف .. وذا رماح ,, وذا يوجّه لي حرابه

كان تبغاني اتوب من الوفا مانيـب تايب
هاك قلبي اجرحه كيــــفك تلذذ في عذابه

عشت طول العمر وافي والشرف فوقي سحايب
ما اموت الا وانا وافي وفي عز ومهاااابه

علميهم يا حروفي ليه صار القلب ذايب
علميهم ويش معنى الكبرياء عند الذيابه

وعلميهم يا غصون الشوق شوقك للهبايب
وعلميهم ياجروحي عزف نوحك ,, بالرباابه

وعلميهم يا عجايب عن زمن كله عجايب
تحسب انه يبتسم لك واثره يكشّر بنابه

مقالات ذات صلة

زر الذهاب إلى الأعلى