..:|:.. ،،::|‹‹ المُـ’ـضـ’ــاربـ’ــة ››|::,, ..:|:..

..:|:.. ،،::|‹‹ المُـ’ـضـ’ــاربـ’ــة ››|::,, ..:|:..

السلامُ عليكُم ورحمة ُ الله

وشلونكم حبايبي .. ووشلونكمأ إن شاء الله تمام..؟؟

* * *

الـ م ــضـ ـاربـ ــة الأولـ ـى

وهي مضاربة الشوارع واسأل عنها الشاب السعودي وقـلـّه: ( الـوعـد بالـطـلـعـة..!! ) على طول يقولكـ: أنت وينكـ وأنا أجيكـ..؟؟ ( ما أعتب ولا أشرهـ عليكـ <<<<< كلمات أغنية مالها دخل بالسالفة..!! ) .. حتى ما يقولكـ كم عددكم..؟؟ ، أو على الأقل يحط شروط للمضاربة … يعني مثل: ممنوع ( العض ) ومسكـ الشعـر ( مماعط الشوش ).

هذا بالنسبة للشاب السعودي بشكل خاص ، أما بشكله العام وللشاب الخليجي فتختلف بإختلاف اللهجات ( مضاربة = هوشه = خنقه = مطاقق <<<<< وذي الآخيرهـ للي يبي يتهاوش مع بحرينيّـات ولا حاقه.

أما أنا شخصيا ً لو تسألوني عن الهواش والمضاربة .. أقولكم: من زمان عنها أيام الإبتدائي والمتوسط ، أما أيام الثانوي لا والحمد لله عقلنا .. يمكن بس لأني إنتقلت لمدرسة جديدهـ..!! هههههههههههههه

لكن أيام المتوسط والإبتدائي كنت معروف بالمنسم وبالعنتري [ بين قوسين ( عربجي ) ] ، حتى قبل لا أدرس في أيام الطفولة والدلع كنت دايم ألعب مع عيال عمّـتي وولد جارنا ( إبراهيم ) ، وياعيني على إبراهيم ذا مسكين وربي كان دايم يجينا في البيت ونلعب حبشه (( الي واحد يلحقنا وإذا مسكـ واحد منّا يقول حبشه وتصير عليه )) ، المُهم وإذا صارت على إبراهيم ومسكني أو مسكـ أحد عيال عمّـتي زعلنا عليه وضربناهـ ويروح لأمّه يبكي خخخخخخخخخخخخخخ

وفي أيام المتوسط والإبتدائي ، من زود التنسيم والعنترة كانوا العيال ينادوني ( خويلد ) ، حتى المدرس ( دابلن تسبدهـ ) ، يقولي: يأخي أنت ( يالسوسة..!! ) إذا غبت يركد الفصل ويصير هادي ، ومن تجي تخرب علينا الطلاب

لدرجة كان فيه مدرس إسمه ( سالم خير الله ) <<<<< مدري أحد يعرفه..؟! كنت أحبّـة وأعـزّهـ وبس لأني أحبّـة وأعـزّهـ كنت أطيّـح الميانه معه بقوّهـ وكان كل يوم يصبحني بـ( عصى ) ويودعني من المدري بـ ( عصى ) بس مع ذلك ليتني الي أتوب خخخخخخخخخخخخ

لكن مع ضربة لي .. كان يبادلني نفس الشعور ( يغليني ) <<<<<< حبنا حب صعايدهـ ههههههههههههههه .. ويشوفني أفضل الطلاب عندهـ … وأنا صح إنّـي مهستر داخل الفصل ومطلع الشيب بعيون المدرسين .. بس مع ذلكـ شـطـور

أمـ ـا الـ م ــضـ ـاربـ ــة الـ ـثـ ـانـ ـيـ ــة

فهي المُضاربة بالأسهم..!! والي أكـثـر أخوياي مساهمين فيها ( مسوين فيها هوامير ) ، حتى وإذا جلسنا مع بعض ، ما عندهم غير سوالف الأسهم .. ذاك اليوم شاروا علي وقالوا لي: يا رجل ساهم فيها ترى فيه ناس كثيرهـ ربحوا من وراها ملايين ، وخلاص الحين صارت لغة العصر هي لغة الأسهم والواحد لازم يواكب العصر .. سمعت كلامهم ودخلت في دوامة الأسهم..!! والمشكلة إنـّي من جنبها بالأسهم ما أفهم فيها شي .. لدرجة إن فيه واحد هنا من الأعضاء وفي أحد الردود كتب كلمة ( الجباز ) ، وربي حسبتها ( بدليّـة ) قلت يمكن يقصد ( الخبّـاز أو الجمباز ) خخخخخخخخخخخخ ، أثريه طلع إسم واحد مدري منهو بعد..؟!

المُهم ساهمت بـ( ينساب ) واللي إلى الحين على وجهها مدري وش صار عليها ولا أدري بعد كم وصلت قيمة السهم..؟!

وذاكـ اليوم جالسين بـ( شقة ) واحد من أخوياي .. وبعد ماكنّـا نتابع أفلام ( mbc2 ) صرنا نتابع شريط أخبار الأسهم والي يقول: بنكـ الراجحي لا طاح نزل سوق الأسهم العام .. والي يقول: يأخي أسهم الزراعة لا تغني ولا تسمن من جوع..!!

وأنا متابع وساكت .. وكل الي أتابعة مذيعة ( العربيّـة ) حتى مدري وش تقول هههههههههههههههههه لاتفهموني غلط..!!

وترى الظاهر اللي طيّح سوق الأسهم ، مو عدنان عاقشبندي والثاني مدري وش سمه .. لا الظاهر من دخلتي فيها خخخخخخخخخ أمزح لا تدخلونا في السياسة

* * *

أتمنى نال إعجابكم طرحي .. ورسم الإبتسامه على شفاتكم :bye:

كل الــود

°¸ღ¸ تكفيني الذكرى ¸ღ¸°

مقالات ذات صلة

زر الذهاب إلى الأعلى