Ξ.¸¸.Ξ∫∫ الـديـمُـو/خـراطـيّـة ∫∫Ξ.¸¸.Ξ
Ξ.¸¸.Ξ∫∫ الـديـمُـو/خـراطـيّـة ∫∫Ξ.¸¸.Ξ
الســلام عـلـيكُـم ورحـمـة اللّه وبـركـاتـة
.:: مُـقـدمـة ::.
قد تجدُون في الطرح الكثير من الجُمل الطريفة
ولكنها في الحقيقة تحكي عن الواقع الذي جلبتهُ لنا ( الديمُوخراطيّـة )
وكيف تحوّلنا من أمّـة يكنُّ لها الجميع التقدير والإحترام و( المهابة )
إلى واقعنا هذا الذي يحكي ويُعبّرهـ عن نفسه بحسرهـ وآلم..!!
( واللـبـيـبُ بـ الإشــارةِ يـفـهـمُ )
الديمُو/خــراطية وماصّلتنا إليه في عام ( 2020م )..!!
مــدخــل
يا شينها لا صاروا عيالكـ ( مثنقفين ) في زمن يطغى عليه الجهل الفكري السياسي..!!
تخيّلوا قبل كم يوم وأنا رايح أشتري ( تيس ) على شان أطلع مع أخوياي للبر ونخيّم >>> للحين ماتركنا عادهـ الشباب..!!
إتصلوا علي المدرسة الإبتدائيّـة ( شكسبير )>> خبركم ذاكـ الوقت نفتخر في هالأسماء..!!
إتصلوا علي علشان ( رويشد ) ولدي .. يقولون: إنّه ( مخشبط ) على جدار الفصل..!!
قلت: مو معقُول ما أصدق..!! رويشد مُستحيل يسويها الولد مثنقف ولابس نظارات.. و( 24 ) ساعة يقرأ مجلّة باسم ويتابع ( إفتح ياسمسم أبوابكـ نحنُ الوغدان )
يعني ماعليش .. لو قلتوا ولدي ( هاني ) كان أصدق ، خبركم الولد راعي ( Dj ) وقصّات وحركات الأمريكان خخخخخخخ
ويوم جيتهم إلا فعلاً الولد كاتب ومعترف إنّه كاتب حتى جابوهـ وخلوهـ يعترف قدامي..!!
عاد تدرون وش هو كاتب..؟! كاتب على الجدار ( الدمُوقراطيّه ليستْ إلا وسيلة لـ تكميم أفواهـ الضُعفاء..!!)
قالوا لي إن الولد يتدخل في السياسة ويسيئ لـ الأمّة الإسلاميّـة.. شهقت لين أنقطع نفسي ( هئئئئئئ )ومسكت يدين المُدير وأقول: خاف الله يا رجل .. وش سياستوهـ..؟!
كل ماهُنالكـ إن الولد يسمع معي للأخبار ويطبّق اللي يشوفه
وهو يسحب يدينه ويقول: هالمرهـ بسامحكـ وبقدّر جيّـتكـ وهالشيبات >>
وبعطي الولد تعهد .. بس إن كررها ( يلوّح بصبعه الكريمه ) خخخخخخ
قاطعته وقلت: لا إن شاء الله ماراح يكررها
وأنا أمسكـ ولدي ( رويشد ) على جنب
قلت: قسم إن كررتها مرتن ثانيه لا أتحمّالكـ بخمّس أنثر لكـ ضروسكـ..!!
لاتودينا بداهية أنت وهالشخابيط اللي أبلشتنا بها
رد علي الولد >>> خبركم عيال ذاكـ الوقت يعرفون يردُون..!! خخخخخخ
قال: يُوبه .. مو مجبُورين نسمع الكلام بس .. لنا ألسن نحكي بها
وهو يرفع صوته ( لا للذل والهوان .. لا للذل ولا الهوان )..!!
وإلتفت له وأنا زعلان وخايف بنفس الوقت قلت له: ( تسيف ) ياولدي هذي أخر تربيتي لكـ..؟! هذا اللي تعلمته من حريّة الرأي.!!
وإلتفت على المُدير والمُدرسين وأنا أتنافض .. وأنا مدري وش هي حريّة الرأي بس دايم أشوفها بـ( مُنتدى لهوف الرأي والرأي الآخر ) .. ياربّي الحين بيشكّون بـ( مُنتدى لهوف ) ويجون يفتشونه..!! >>> خخخخخخخخ
بس الحمد لله فكّكم الله .. لولا الله ثم ذكائي الخارق اللي ما عُمرهـ خذلني إلا دايم..!! خخخخخخ كان قفلوا المُنتدى بالشمع الأحمر..!!
قلت لهم على طول: إن علمتوا إن عندنا هالقسم .. أبعلم أكيد أنتم تشتركون بمُنتديات ووإشتركتوا بـ هالأقسام أجل وش عرفكم لـ حريّة الرأي أكيد مشاركين فيها وفي هالمُنتديات >>> خبركم ماتعلمنا لحريّـة الرأي إلا بـ( النت )..!!
وألتفت على ولدي.. إلا مبسُوط ويتبسّم ( مطلع لي ضروسه الصفر )..!! خخخخخخ
أكيد عاجبته سياسة ( لوي الذراع ) أكثر من سياسة ( النيّة الحسنة)..!!
بيني وبين نفسي ( بس هيّن يابو ضروس <>> يطالع في المُدرسين ومُديرهم ويوزع إبتسامات..!!
قلت: إخلص .. هات اللي عندكـ
قال: يا يوبه.. هذا المدرس ( حسن بورعي غاسوقجي )..!!
قلت: عيب ياولد تأدب..!! قل إسم المدرس زين..!!
قال: يوبه .. وش أتأدب..؟! .. هذا إسمه وش أسوي بوهـ..؟!
قلت: والله دام هذا إسمه ما حنا أبخص بوهـ من أهله >>> رقعها
قال: إيه هالمدرس طوّل الله عُمركـ جانا فجأهـ وقال:يالله طلعوا ورقة وقلم لأن عليكم إختبار الحين..!!
قلت له ( وأنا الوحيد اللي تكلمت ): ليه يا إستاذ ماعلمتنا قبل على شان نستعد ونذاكر..؟!
قال: أيّ شئ أقولكم عليه تنفذونه ( كذا مزاج )..!! .. قلت: على الأقل علمنا قبلها بيوم ماهو عدل كذا..!!
قام وصطّرني وطردني .. بس على شانه ماقدر يرد علي..!!
كمّل الولد لي كلامه وقال: يا يوبه .. أنت علمتنا إن النقاش بالمنطق مو بالطق.. صح..؟!
قلت: والله ياولدي على حسب البلد..!!
إلتفتوا علي المُدرسين والمُدير معهم كلهم بصوت واحد: وش تقول..؟!!
قلت: أقصد .. حسبُك يا ولد..!! >>> بلع العافيه
قال المدير:أشوى .. أحسب..!!
قلت لهم: لا ماعليكم .. أنا كنت مُدرس ( إنقلش ) بس إعتزلت..!!
خبركم هاللغة ماتمشي مع جيلنا هذا .. لأن أغلب الصنعات والمُنتجات والأجهزهـ
مكتوب عليها ( mide in arab )..!!
قال ( رويشد ) أكمّل يوبه..؟!
قلت: وأنت ياولدي للحين ما خلصت..؟!
قال لا يوبه .. المُهم طردني ولا أختبرت يعني أخذت ( صفر مُكعب ) .. ويوم ( صفـّرت ) الحصّـة جاني برى .. وقالي: بس على شان مرهـ ثانيه تسمع كلام الإستاذ..!!
يوبه .. هذا هم ( ينعنون ) خيّرهم الرئاسه ويعيّنونهم بالقـُرى المُجاورهـ ويجون يحطون حرّرتهم بالطلاب..!!
وأجيكـ طاير وأسد حلق ولدي .. وأتبسم للمُدير وأقول: ولد طايش ماعليكم منّه مايقصد..!!
المسأله بسيطة كل اللي يبي لها تفاهم .. ماتحتاج لا ( إصلاح ) ولا ( تنظيم القاعدهـ )..!!
أطالع في المُدير إلا فهمني غلط
قام المُدير وشقق ورقة التعهد اللي بيدهـ
وقال: كنت أبيكـ توقـّع لنا على التعهد اللي كتبناهـ
بس الحين الله لا يهينكـ نبيكـ تقضب الباب وتأخذ ولدكـ معكـ وهذا ملفه..!!
وفوق الملف شهادهـ حسن سيرهـ وسلوكـ بعد .. بس يرحم والديكـ لاتودينا بداهيه
( حسيت إن المُدير شوي ويصيح )..!! خخخخخخخخخخخخ
وأخذ ولدي ونطلع بدون نقاش..!!
وأقول: كنت أقرأ بالجرايد يقولون: تعليمنا فاشل وفاسد.. يعني صعبه أجي أنا أصلّحه بيوم..؟!
قال الولد ( رويشد ): لا مو فاشل ولا فاسد.. بس يبي له شويّة تحسيييييييييين >>> الـ( ي ) لها علاقة بالآمل..!! خخخخخخخ
قالت: يوبه .. قلت: وحطبه وش تبي بعد..؟!
قال: يا يوبه بعدين وش دخل الجرايد..؟!
ترى ماعُمري قريت لهم خبر صادق ومثُوق به .. دايم يتسذبون..!!
قلت: خلنا من الجرايد والصحافة .. الحين قللي ليه تكتب ( الديمُوقراطيّـه هي تكميم الأفواهـ )..؟! خلهم يقولون أرائهم.
قال: يوبه .. هم مو بس يقولون أرائهم يشوفون إن رأيهم هو السديد
ويستفيدون من موقف القوّهـ اللي يتبجحون به ويفرضونه علينا..!!
فـ قعدت أحكـ جبهتي وأقول بيني وبين نفسي:والله بلشنا بكـ ياوليدي.. بـ هالزمن إبتسم وتعلمّ كم كلمة تجامل فيهم .. بـ كذ راح تمشي أموركـ مع الكبير والصغير..!!
لكن مسألة إنّكـ تبي تصير فاهم وصريح وصادق ( في كل أمور حياتكـ ) وربي ما تاكل إلا…
إلا الولد قمز بي..!!: تبن تبببببببن..!!
وإلتفت عليه وانا مستغرب ( وش دخل أم أمّه في تفكيري )..؟!
قال: يوبه شف .. الله تبن مُكعبات..!! >>> خبركم مابحياته شافها خخخخخخ
إلا أثرينا وصلنا لـ( سـوق الغنم ) .. قلت: الله يازمن السرعه والتطوّر يازمن الضياع والتورط..!!
قال: يبه .. قلت: هاهـ وش تبي..؟!
قال: الحين أنت الحين تبي تشتري خروفات..!! صح..؟!
قلت: إيه
قال: على شان تذبحه.. صح..؟!
قلت: إيه .. أجل بصوّر معه..؟!
قال: طيّب أنت يوم تشتريه هو يدري إنّكـ بتذبحه..؟!
قلت: لا .. بس بسوّي فيه الكاميرا الخفيّـه كككككككك
قال:- يعني انت تخدع الخروف..!! حرام يوبه يكُون تعاملنا كذا..!!
ترى يوبه هذا حال تعامل اللي أقوى منّا بنا..!! يحسبونا مانفهم..!!
مدري وش أرد عليه بس وووطراااااااااخ ( كف )..!! وصرخت فيه: ( مثنقف ) وأبلشنا
شهق وحاول يكتم الصيحة علشان ما يحس بالإنكسار قدامي .. وأنهى النقاش
( مثـّل قدامي دور الضعيف .. لأن القوّهـ كانت بيدي )
لمّا وصلنا البيت قابلتنا بنتي ( سـارهـ ) .. وعلشان تحسُّون بمُعاناتي بينهم وبين ذا الزمن .. ( سـارهـ ) هذي بأول ثانوي وناوية تدخل أدبي على شان تخصّص ( علم نفس )..!! وفوق كذا تلبس نظارات يعني ( مثنقفة )
أبسطها لكم .. يعني بالعربي أنواع العقد .. بالحييييييييل كنّها حبل عفش عزوبيّة أول مرهـ يطلعُون للبر
قالت: أهلييين بابا >>> شوفوا الفرق مابينها ( بابا ) والولد ( يوبه ) خخخخخخخخ
ماشاء الله وش ذي الخروفه اللي بشطنة السيارهـ..؟!
قلت: تيس مو بخروف ماحصل تميّزون .. وبعدين وش تشوفينه أنتِ..؟!
قالت: مدري خخخخخخ .. بابا
قلت: وحطبه >> ولا ماتجي..!! خخخخخخخ هاهـ وش تبين..؟!
قالت: بابا صدقني لو دخلت علم النفس كان الناس ما تسمع لا لـ ميسرهـ ولا طارق الحبيب ولا لـ مريم نور >> مدري شدخلها ذي الأخيرهـ..!! بس تسمع لي أنا..!!
قلت لها: يا ماما.. وش لتس بعلم النفس..؟! وش لتس بالعلم كلّه..؟! أنتِ شايفة الحين ما يوظفون المُتخرجات ولا الطبيبات ولا المُتعلمات بشكل عام .. كل اللي يوظفونهن البيّاعات والمُذيعات وعارضات الأزياء والسكرتيرات والجمهورات اللي على عشرات..!!
معكـ واسطة تمشي غيرهـ ( على شحم )..!!
صرخت بكل صوتها: لااااااااااااااا لااااااااااااااااااا
لييين حسيت إنْ ( التيس ) وهو بالشنطة قال: لعنة..!!
ثم كمّلت كلامها : يا بابا .. تخصّصي هو مُستقبلي ومُستقبلي هو قدري.. ولا أحد يقدر يثنيني عن قدري
قلت : الله الله الله .. الله يصبرررني >> يلحنها مثل عبادي خخخخخخخ
قالت: الله يصبرني أنا بعد .. على المرأهـ واجبات تختلف عن واجبات الرجُل في هذا الوطن ، والله يصبرني بس أصحح العقول المُتخلّفه في المُجتمع
قلت: عز الله بذي صدقتي .. لكن لاتكثرين ( الحتسي ) ماحدن سامعتس..!!
شوي إلا نسمع صياح بالحوش..!!
قلت: وش ذا..؟!
قالت ( ســارهـ ): هذا صوت أخوي ( رويشد )..!! اكيد إنّه تعرض لعمليّة إغتيال..!!
قلت: ياربّييي قبل شوي بغى يودينا بداهية بالمدرسة.. والحين إغيال لعنبو إبليسكم أمّكم مولدتكم بمستشفى ولا بإستديو ( الإتجاهـ المُعاكس )..؟!
ركضنا للحوش ولقينا ( رويشد ) مطلق الـ( تيس ) ويقول: خلاص أنت حر ياصديقي..!! هذهـ هي حياتُكـ ، وهذهـ هي حريتُكـ .. إذهب فـ أنت حرٌ طليق..!!
حاولت ألحق الـ( تيس ) لكن ما أمداني .. مسكت ( رويشد ) الخايس وعطيته ( مخمّس ) بكل قوتي وهُو يـطـيـر فوووق .. لين حسيته إنه بنّط بطيارهـ وجاكـ مجاوب.
/
\
/
تكمــلـه
برـرب