¨¨¨°~*§¦§ (لــيـــل الــــشــقــا ) §¦§*~°¨¨¨
¨¨¨°~*§¦§ (لــيـــل الــــشــقــا ) §¦§*~°¨¨¨
ابسألك يا ليل الشقا
ابسألك ذاب الدمع في محجري
هزت غصوني باقي الشجون
الله يا اني في زحمة الدفا بردان
ودمعي بالوله شادي
ابعدتني وكويت من العذاب جوفي
الله ……….
انكسر في دروب الضيم عودي
وانبرت زفرات عمري الم
لو تدري يا صاحبي من له نزفت جراح
تصور يا صا حبي
انك مثل زخات المطر في ليل بارد
وانك كوكب هوى في صحرا القدر
يا صاحبي مل الحكي بشفاهي
ما عاد بي كثر الصبر ترحالي
انا من لذة الخوف جافي
والبال اللي تركتة ذيك الاعوام صافي
اليوم كله جراح نازفة كله بقايا يا س
ورياح ثايرة
في كل ليلة لي مع دموعي مواعيد
القصص اللي كتبها خاطري سيرة
واللي نقشها دفترى حيرة
كل ما تشوفني تلومني
والله …. والله لو اعد جمر الليالي
واحضن بجوفي اهاتي
ما ظنتي تجي تمد ايدينها ليدي
لو اظل طول العمر اشعل حرابي
واتلمس الخطوة بيني وبين محرابي
ما ظنتي تجي تمسح احزاني
ماعاد فيني للهفة الضحكة امل
تاهت جروح المدامع بين عزفي واشجاني
لا مراكب ولا شواطئ ولا مينا
كلها اشباح اسكنت صوت المدينة
صوت بالخفا يناديني
وهمس تسائل وسطها ضلوعي
نار كل ما ذكرت الخطا تحرقني
نار تطفيني وتشعلني
ماادري خلاص اشبقى
ارجعي للدمعة الاخيرة
ارجعي اطفي الحرقة الاليمة
اجمعي فيني الخطا وادفنيه
اكسريني اشبقى تكسريه
احرقيني اشبقى تحرقيه
والله ذاب الجليد فلهفة خطاوي زلتي
لا تجي ببعاد تقولي مسموح
لا تجمعي اوراق الرسايل
وتنثري سهد القلايد
كلها الليل والظلمى ثوبي
الحزن والشقى عطروا كفوفي
يا ريم الفلا صحرا فؤادي هجير
لا غفا ولا وساد ولا حصير
لاتجي خيولك بعيد تنادي
تعالي بددي رعشتي وخوفي
اغرسي سيف جرحك وسط صدري
اقتلي فيني غروري وكبريائي
ماعاد يفرق عذابي من عذابي
تساوت عندي شمس الغروب ومشرقي
اكسريني اشبقى
غير العذاب لقصتي
وفصل اخير لكاتب يجهل مصير
ماعاد يدري يكتب الحرف الاخير
ولا يلقى من يشاركة هالاثير
ولا يندفن هذا القلم
ويختلط حبره بالثرى
بعد صوته الجرح الاخير
ارجعي وافتحي اخر اوراقه
بتلقي اسمك بدمه انكتب
بروازها كل الدموع
اعذريه وسامحيه
واحبسي دمعك لا تنزفيه