♠لأنك جوهرة اليك تلك النصائح الخفيفة ♠نصائخ تعينك ع حمل المسؤلية يا مراهقة ♠ 2019

ازيكم يا بنات
مسائكم / صباحكم رضا من الرحمن

وحشتونى اى

نهارده بقى قعدت افكر وافكر
احنا البنوتات العسلات
البنوته العسل محتاجه شويه نصائح وتنبيهات
مش هيفرق السن لان كلنا بنتعلم وبنستفيد من بعض
لكل البنات الجميلات

فقولت لازم بنفيد بعض بشويه نصائح جميله وخفيفه فكل حياتنا

هقدم ليكم موضوع متجدد ان شاء الله

نصائح خفيفه لبنوته لطيفه

هبدا معاكم بشويه نصائح جميله كدا للبيت

طبعا احنا لازم نساعد ماما فى شغل البيت حتى لو مساعده بسيطه خالص
ولازم كمان نريحها ونسمع كلامها
لان الام بتتعب ومش بتشتكى ولا بتقول مليت ولا كليت

♠لأنك جوهرة اليك النصائح الخفيفة ♠نصائخ 3dlat.net_31_16_c159
يلا مع بعضنا كدا نعرف شويه حاجات صغنونه خالص هتفيدنا كتير اوى

بصى بقى يا كتكوته

* مافيهاش اى مشكله لما نقوم من النوم نوظب السرير بتاعنا قبل مانخرج من الغرفه دا

* لما لابسنا يتسخ نجمعه كله ونحطه فى باسكت الغسيل دا هيسهل كتير اوى
بدل ما نفضل ندور على اللبس النظيف ومش النضيف ونجيب من شرق شويه والغرب شويه

* نقعد من اخواتنا الصغيرين نحكلهم حكايات ونساعدهم فى الواجب بتاعهم نعمل اى حاجه نخفف بيها عن الام شويه

* بعد ما اكلنا الغدا اللى بنحبه بالهنا والشفا نساعد بعض فى اننا نجممع الاطباق وندخلها للمطبخ

* بعد ما نقطع الخضار ونغلسه نجيب نص ليمونه وندهن بيها ايدينا بيزيل اثر الخضار وبينعم الايد كمان (مهو لازم نهتم بجمالنا برضو)

* كلنا بنحب البيت يبقى ريحته حلو هنجيب برتقاله حلوه وندخل على جوانبها حبات قرنفل ونسيبها هتخلى ريحه البيت رائعه

* نكتب دايما الطلبات اللى احنا عاوزينها فورقه عشان ماننسهاش ونخلى الورقه فمكان واضح عشان نشوفها دايما

* لما نغسل الاطباق مانفضلش فاتحين المايه على طول لائه
نغسل الاول الاطباق مكان الاكل ونقفل المايه وبعدين نغسلها بصابون وبعدين نشطفها كدا بنحافظ على المايه

* عندنا فاكهه فالبيت حلوه وكتير وطبعا بنخاف انها تبوظ وماينفعش تتاكل نقوم عاملينا عاصير كدا حلو واحسن

* بعد مانخلص عمايل الاكل لازم نمسح البوتوجاز عشان دايما يبقى نضيف وجميل

دى شويه حاجات خفيفه ليكى يا بنوته

اتمنى الموضوع يفيد الكل

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق