يــايـــمــــه

@يــايـــمــــه@

يـايـمه آه لو تدرين أداري الدمعه واخفيها

يـايـمه من القهر ودي أصيح وداخلي مغبون

هـمـوم اثقلت حملي ودمـوع ودي ابكـيـهـا

ولا أقـدر من كـذا أبـيـن خافي المـكـنـون

أخـاف من نظرتك يـايـمه تغير وضع غاليها

تصكي خـدك بكـفـك وقـلبي داخله مـطـعـون

يـايـمه لوسمحتيلي جروحي وش يـداويـهـا

وحـظـي عاثر وطايح وقـلبي دايـم محزون

صـحـيـح القول يـايـمه للبنت أم تخاويها

ولكني بكتاباتي اطلع واقعي المدفون

ما كل اللي كتبته يـايـمه احلامي وبرجيها

وما كل اللي كتب بالشعر هو العاشق المجنون

يـايـمه لو مـنـعـتـيـنـي حـرام إنـك تـسـويـهـا

أعيش بوسط هالعالم وأحس بداخلي مسجون

تبيني أوعدك بدروب المحبه أني مامشيها

ولا أكتب شوقي بكلمه ولو كلي شقى وشجون

إنـتـي بعالـمـي شـمـعـه ودروبـي تـضـويـهـا

وعساني عند حسن الظن ما أخيب لكي أي ظنون

بـس يـايـمه تـكـفـيـن هـذي بـس عـديـهـا

أبكتب بالشعر همي وهم الناس لا يدرون

&&&&&&&&&&&&&&&&&&&&

الوسوم
إغلاق
إغلاق