ياهبوب الشرق يامشكاي خذ مني وصيه
ياهبوب الشرق يامشكاي خذ مني وصيه === بالأمانة ودها للي سرق حالي غيابه
كان هو مرتاح أنا عيني من الفرقا شقيه === خبره وش صار عقبه وانت عني بالنيابة
ماهقيت ان الليالي تبعد الغالي عليه === والدهر ما فيه للي يشتكي للحب ثابه
وان عذلت القلب عيا ما يطاوع في خويه === قلبي أقشر لي نصحته ردني وارث طلابه
وان كظمت الغيض بصبر ماحصل لي مقدريه === كنه يورى لقلبي غيبته يوخذ نهابه
آه واويلاه من جرح سطا في القلب كيه === مخطر أهل الحب حامي من كُوي ما اطول شبابه
بصروني ساعدوني يا رجاجيل الحمية === كيف هو يرقد وانا اسهر ,, الخطا ما ينرضا به
شاب راسي قبل حله والسبب نجل الثنيه === من تولع بالمحبة واعذابه واعذابه
أحسب الدنيا مقيمة واثرها روحه وجيه === جرحها ماهوب يبرى وغيبها مايندرا به
تضحك وتبكي وتزعل تنقلب مع كل نية === لو تزخرف ماتتمى ما حدٍ يصفى شرابه
بالرخا ماكثر ربعي وقلهم بالمعسريه === كل مايبدى لزوم ماحصل من ينغزى به
مانفعنى في زماني كود ما حاشت يديه === غير ما تملك يمينى والرجل عزه جنابه
حضرة الطيب تسرك دايمٍ نفسه زكيه === والردي ماهوب يزكي دايم ينصك بابه
اذكر الله عد ماهلت هماليل الرفيه === وعد براق تكاشف لاح في عارض سحابه