ياليت قلبي من خشب !

ياليت قلبي من خشب !

السلام عليكم ورحمة الله وبركاته ؛؛؛
أسعد الله أوقاتكم بما تحبون ..
هذه مصافحه جديده حبيت انقلها لكم للشاعر العملاق عبد الكريم المهنا ( زيد روما )

أكتب … وهي تقراء…!!
جنبي …
تقرب شوي …
وأقرب شوي
إلين تتلامس كتوف …!!
ويتحرك من النشوة هدب …
ويموت ظميان الهوى جنب الغدير …
فديت عينه ماشرب …!!
وتقوم تتحرك شفاه …
نشوة
ونشوة
ونشوة
ويسيل هذاك العسل…
ويطيح توت
وينبت نخل…!!
وتنصف عذوق الرطب …
ونشرب هواء…
واتل عنقود العنب
يالعن ابووووووه … ” ياهو عنب ” …!!
ويدووووخ راسي …
واقوم أغني له طرب …
وهو يتغنج في دلال …
وتابس شفاه من العطش
ظميان شوق
ويقرب شوي
يقرب
يقرب
يبي يذوق من الغدير
شرب…؟!
لاماشرب شرب…؟!
إلاشرب…؟!
لاوالله إلا ماشرب …!!!
اثر الهوى ملعون ابو…؟!
يكسر ظهور اهل الفعول
ويخلي رجال الكرب …
قالت ” ممكن أسأل لي سؤال …؟! ”
قلت ” إسألي ”
قالت
” تحب ..؟! ”
وتبسمت …
حلوة لكاعات البنات …!!
بالذات إذا جت في ادب…
ياهي هباااال …
تسبي رجال
وتطرح جبال …
بس القهر … رجال قلبه من خشب…
مايدري وش معنى الهوى
لوتساله وش آخر علوم الهوى …؟!!
قال الهواء شرقي وحار …!!
يمكن يجي باكر شمالي … ونبرد شوى …!!
يابرد قلبك ياخشب…!!
والله…ياحلو البنات …
بس ” الصراحة ”
أحلى اللي قلبه من خشب…!!
” ياليت قلبي من خشب ” …!!
ظلم … وقهر
وليلٍ طويل ينام في حظن السهر …!!
وقلبٍ من العشق إنفطر …
وخلٍ ينام … ويحلم مثل كل البنات
بثوبٍ جديد
والفيصلية … والمملكة …
وحفلة زواج …
وتسريحة قصتها هبال …
ويرجع ينام…!!
الله ياحض السرير …!!
وانا على فراش السهر
مع دفتري …
أكتب قهر
وأشرب قهر
إلين يلفيني الصباح …
من عام ماشفت العصر …!!

أي حزن يبعث المطر ؟

مقالات ذات صلة

زر الذهاب إلى الأعلى