ياخوووووووووك؟؟!!
ياخوك همي هم وجروحي اجروح
وشلون ابنسى والليالي جروحي
ضايق وأنا من زايف الوقت مجروح
ومن لوعة الايام عايش بروحي
ماودي احكي عن همومي ولاابوح
وألا لولي العرش سدي وبوحي
تخنقني العبره على صوت مبحوح
واكنها دمعه بعيني تفوحي
واحسها دله على جمر وتفوح
وتذوب من حر المعاليق روحي
هذي المواجع احسبه يوم وتروح
اثر المواجع لالفت ما تروحي
حتى بنت في خافقي برج وصروح
عن قمتي ماسولفت لك سفوحي
والنوح نوح الحمامة على الدوح
محد عرف ليه الحمامه تنوحي
مدري طرب والا من احزا نها تنوحي
يااخوي قم ياخوي واصدح بدوحي
قصه مثيرة في جسدهانفذ روح
ياللعجب كنت فيها لوحي
طفلٍ حياته لعب وصراخ ومزوح
واليوم جد الجد مابه مزوحي
ارسم والوان صورتي لون مفتوح
والقا غموضي في ملامح وضوحي
عجزت بفهم قصتي درس مشروح
غايه تبدد في مداها طموحي
كلي طلاسم غامضه بوجه مفضوح
واصد عن عين الفطين الفضوحي
دقتني الايام مسمار في لوح
لين ارتكز مسمارها وسط لوحي
دنيا ظلام وليل مابيح البوح
والصبح في شمسه بخيل وشحوحي
شفت الفرح في ساحة الحزن مذبوح
منظر كئيب بحالة الذل يوحي
لاتسالوني ليه وشلون “وشنوح”
حتى انا مدري ولاابصر ولااوحي
لاصار همي هم وجروحي جروح
وشلون الملم بالليالي جروحي