والله لو دمي يغيـث الملاهيـف قطعت عرقي لين يصفي نزيفه
والله لو دمي يغيـث الملاهيـف قطعت عرقي لين يصفي نزيفه
السلام عليكم
هالقصيده من روائع هرم الشعر
الامير بدر بن عبدالمحسن
في دربكـم ياراحليـنٍ مناكيـف
تالي ليالي القيض واول خريفـه
ردّوا سلام اهل القلوب المواليف
على الوليف اللي نشد عن وليفه
ردّوه لعذوق النخيـل المهانيـف
وعلى القصور اللي بوادي حنيفه
دارّ لها بالقلب عشق وتكاليـف
ياعـل عيـنً ماهوتهـا كفيفـه
طبنا وشبنا واتعبتنا المشاريـف
والمرقب العالي هبوبـه عنيفـه
ياواردين العد كفـوا المغاريـف
اللي بقى دمـعً همـاجٍ ذريفـه
والله لو دمي يغيـث الملاهيـف
قطعت عرقي لين يصفى نزيفـه
وياحظ من لاعرف منهو ولاشيف
أن طاب يحمد وان تردى بكيفـه
وحنا ورثنا العز عظم وغضاريف
لا ماورثنا العـز تـاج وقطيفـه