نـــصيحه للي يفهم فقط
نـــصيحه للي يفهم فقط
بديت باسم الولي الواحد العالي==رب كريم خلقنا معتلي شانه
اخترت قاف جديد من هوى بالي== مثل الجبل راسي ما اهتز بنيانه
سلام مني عدد ماتصرف اموالي== للطيب اللي يعرف الحق عنوانه
عندي نصيحه وابكشفها للأجــيالي==عن وقتنا اللي خدعنا قل صدقانه
ياصاح لا تامن الدنيا با الأحوالي==كم فرقت بين رجال مع خوانه
ابنصحك في رفاقه ناس عقالي== اللي مشوا في طريق الجود فرسانه
يستاهلون الكرم ماضين الافعالي== نعم بهم لو يثور الوقت دخانه
وعن الردي ابتعد حذفه على الجالي== كبه ولا تفتكر في يوم صحبانه
راعي العلوم الرديه باول وتالي== لا تصحبه واحتذر اليوم أعوانه
كانك تبي للمراجل والتعدالي== ماحد يروم المراجل هرج بلسانه
اختر لنفسك مقام النايف العالي== واصعد شموخ المعزه واكسب الدانه
اسللك دروب المراجل واشتر الغالي== واترك ضعيف البشر وجنب اخوانه
اترك هل الهزل والنمات والقالي== وازن هروجك بدون فلان وفلانه
وفي حقوق البشر دايم بالاكمالي== ينام راعي الوفا وتغمص اجفانه
والوالدين ارضهم ياطيب الفالي== ووصل صلات الرحم بضبط ميزانه
قلته وانا بـــادع جـــزلات الامثالي==أرسم بيوت الشعر وانا اعرف اوزانه
واختم صـــلاتي عدد ماتذري ارمـــالي== على نبي أقام الدين بـــا ركــانه