نصائح للمتزوجين 2019,10 نصائح ذهبية للمتزوجين حديثا,اتبعيهم لتكون سعيدة فى حياتك

من اهم العلاقات في حياة الانسان هي علاقته بشريك حياته وطبعا ده عشان هي العلاقة الاطول والاقرب من بين كل العلاقات اللي بتمر على حياة الانسان، ومعروف ان كل شيء في بدايته بيكون صعب وبيحتاج مننا وقت ومجهود عشان نتعرف ونتعود عليه واكيد مافيش اهم من علاقة جديدة بإنسان تاني مختلف عنك في الطبع والخلفية الثقافية والاجتماعية يحتاج منك للوقت والمجهود عشان توصلي بيه للشكل المثالي اللي يضمنلك حياة مديدة سعيدة مع شريك حياتك بإذن الله، وعشان تقدري تتعودي على حياتك الجديدة وتحطي قواعد لحياتك الزوجية احنا جبنالك 10 نصائح ذهبية للمتزوجين حديثا حتساعدك جدا في فهم اهم الاساسيات في الحياة الزوجية
10 نصائح ذهبية للمتزوجين حديثا

1- تحمل المسئولية في العلاقة
من المهم جدا ان انتي تحسي انك مسئولة عن العلاقة دي بالكامل، يعني لازم تنسي الفترة اللي فاتت من حياتك لما كنتي مسئولة عن نفسك بس او لما كان والدك والدتك متوليين مسئولية جوانب كتير من حياتك، لازم تحضري نفسك من جواكي ان انتي استلمتي مسئولية نفسك بالكامل وكمان مسئولية زوجك وقبله مسئولية البيت وده سهل جدا لو هيئتي نفسك للوضع ده كويس حتقدري تتصرفي على قدر المسئولية دي
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
2- الاختلاف والاتفاق

مهما كنت قريبة من شريك حياتك في فترة الخطوبة ومهما كانت درجة التفاهم بينكم ماتنسيش ابدا ان هو انسان مختلف عنك بيئته الاجتماعية والثقافية مختلفة مشاعره وطباعه واسلوبه مختلف عنك، ووارد جدا ان تحصل خلافات في اتفه حاجة او في اكبر حاجة، اللي حيفصل هنا هي الطريقة اللي حتقدري تعبري بيها عن الاختلاف ده اسلوب الحوار والتفاهم بينكم يعني لازم تعرفي ازاي تلفتي نظر شريك حياتك لنقط الاختلاف اللي بتزعجك ولازم تتفقوا على طريقة واسلوب في الحوار توصلكم لنقطة التلاقي وحل الخلاف من غير خناق
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
3- حدود تدخل الاهل

إقراء أيضا  الامورالتى يجب على الزوجين مراعاتها عند الجماع بنية الانجاب 2019

طبعا وجود الاهل والاصدقاء في حياة كل واحد مننا نعمة من نعم ربنا، لأن هما دايما بيكونوا موجودين وقت الصعاب والشدائد ووقت التعب والضيق لكن ده مش معناه ان هما الملجأ في كل المشاكل عشان في كتير من الاحيان تدخل الاهل او الاصدقاء بيزود من المشاكل وبيبعد الحل، دايما قبل ما تلجأي لطرف تالت في حل المشكلة فكري ان دي حياتك انتي ومسئوليتك انتي وان انتي بس اللي لازم تلاقي الحل مع شريك حياتك من غير الاعتماد على طرف تالت
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
4- محاولات التغيير

كيد كل انسان في عنده صورة ذهنية محددة للجواز بشكل عام بناء على افكاره ومشاعره وتجاربه السابقة، لكن الصورة دي مش شرط تكون هي الحقيقة بعد الجواز حتلاقي الصورة الذهنية دي اكيد بتختلف عن الواقع في بعض النقاط هنا لازم تقفي مع نفسك وتتقبلي حياتك بالصورة الواقعية واياكي ابدا تحاول توصلي بصورة الواقع للصورة الذهنية دي لأن ده اول سبب في اشعال الخلافات الزوجية، اقبلي شريكك بطباعه واقبلي حياتك بواقعها طوريها وحسني منها لكن بلاش محاولات التغيير لأنها مش حتوصلك للصورة اللي في ذهنك وفي نفس الوقت مش حتستمر الحياة زي ما كانت يعني حتخسري مرتين
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
5- تخطيط المستقبل

لازم تقعدي مع شريك حياتك وتبدأوا تخططوا للمستقبل مع بعض في كل حاجة، يعني مثلا خططكم السنة دي تدخروا مبلغ معين او خطتكم القريبة انكم تتشتروا سيارة جديدة او تحددوا اسلوب معين لمصاريف البيت وغيرها من القرارات المستقبلية سواء قريبة او بعيدة لازم تفقوا عليها بوضوح ومن البداية
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
6- تخصيص وقت لشريك حياتك بس

إقراء أيضا  حواء استقبلي يومك بهذه العبارات 2019

زي ما اتفقنا قبل كده ان الحياة الزوجية كلها مسئوليات وان انتي بتختبري لأول مرة تحمل المسئولية بالكامل، لكن ده مش لازم ينسيكي ابدا حق زوجك عليكي في تخصيص شوية وقت له هو فقط، يعني ماينفعش تقولي ان انتي بتعملي الغدا عشانه او ان انتي بتغسلي وبتنضفي البيت عشانه كل ده حقيقي ومحدش بيقلل منه بس لازم تخصصي وقت تقعدي وتتكلمي مع شريك حياتك عن مشاعره ويومه وتهتمي به على المستوى الشخصي
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
7- الاحترام المتبادل

اكيد الحواجز بتدوب بين المتزوجين وبيبقو تقريبا شخص واحد وكيان واحد لكن ده ما يديش اي طرف الحق في انه يجي على حقوق الطرف الاخر في التقدير والاحترام، اتكلمي مع شريكك في كل شيء بضوح وبصراحة لكن من غير تجريح وحافظي على خطوط حمراء في حياتكم ما تقربوش منها زي انك تغلطي في اهله او ان هو يتكلم عن اهلك بشكل ما يصحش وزي انك تسفهي وتتفهي من ارائه او العكس لازم يكون في اطار من الاحترام في حياتكم بيحكم كل حواراتكم
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
8- الثقة المتبادلة

العلاقة الزوجية القوية بتقوم على الثقة وطبعا في عوامل تانية كتير زي الحب والتفاهم والاحترام لكن الثقة هي الدعامة الاساسية للحياة الزوجية وعشان كده لازم تثقي في زوجك في كلامه وفي تصرفاته ولازم كمان يثق في كل حاجة تخصك والثقة دي مش بتيجي بالكلام او بالطلب لكن ده احساس داخلي لازم تحسسيه ان انتي جديره بثقته ولازم هو كمان يحس ان هو اد ثقتك فيه عشان تتجنبوا الخلافات قدر الامكان
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
9- القاء اللوم

إقراء أيضا  اربـــــ 40 ــــــــــعون سرا فى حياة المراة 2019

لما تكوني في مشكلة مع شريك حياتك وشايفة ان هو غلطان تجنبي الالفاظ اللي بتوحي بأنك بتلومي عليه دايما هاتي الكلام من طرفك انتي مش بطريقة انك بتغلطيه يعني مثلا تقولي ان الموقف الفلاني ضايقك وان احساسك كذا وكذا بدل ما تقولي انت غلط لما عملت كذا لأن وقع الكلام كده بيبقى اخف وبيبعد جو الخلاف واكيد هو كمان حيتعلم منك الطبع ده وحيستخدم معاكي نفس الاسلوب
نصائح للمتزوجين نصائح ذهبية للمتزوجين حديثا,اتبعيهم 3dlat.net_05_17_9481
10- اللي فات مات

لما تحصل مشكلة او خلاف ويتحل يبقى كأن لم يكن ماينفعش ان انتي تكرري على مسامع نفسك ومسامع زوجك نفس المشكلة اللي حصلت قبل كده وانتهت من زمان ده اسلوب بيكبر المشاكل وبيخلي الانسان يظهرفي صورة حد بيتصيد الاخطاء او بيفتعل المشاكل وكمان ده حيخليكي مش بتصفي للاخر من ناحية شريك حياتك حيحسسه طول الوقت ان انتي مش بتنسي الاساءة والزعل وبتشيلي جواكي ومع الوقت دي بتصنع مسافة من البعد والبرود بينكم بيبقى صعب انها تقل بعد كده

مقالات ذات صلة