مين السبب فى المعاكسات هل هى تصرفات البنت ولا الصداقة فى الجامعة 2019

عايزين نتكلم شويه و نعرف مين السبب في هل هي تصرفات البنات ,,,,,, ولا طيش الشباب

البنت تقول:يا ساتر يا رب اية دا هما اول مرة يشوفوا بنات

والله انا زهقت من الحكاية دى كل شوية بالنظام دا….!!

والولد يقول:هما اللى عايزين كدا ما تشوف لابسين ازاى ..

ولا عاملين اية فى نفسهم ..!!

المعاكسات يا جماعة البنت زهقت من المعاكسة فى الشارع

كل ما تنزل من بيتهم تتعاكس لا دى مش سيما بقا لازم حل انا شخصيا زهقت ابحثو يا شباب علي حاجه جديـــــده

ولما سألنا الولد قال هما عاوزين يتعاكسوا طيب ازاى يا ابنى الكلام دا

قال ان البنت ان متعكستش مترتحش ولا تحس انها بنت …

وكمان طريقة لبسهم والميك اب بتاعهم هو اللى بيخلى الواد يتراخم عليهم

طيب انا كنت ماشيه مع صاحبي في مره مجنون بي معاكسه البنات بسألو فى مرة

بقولة طب لية عاكستها ما هى مؤدبة اهى

قالى افرضي ان هى مش حاسة بجمالها

مش لازم انببها لية واخليها تعرف ان مثلا عينيها حلوة

قلتلة لا عندك حق

في نفسي اليوم و نفس الشارع راح عاكس بنت يعنى مش جميلة بقولة طيب لية عاكستها بقا

قالى اهو بنكسب فيها ثـــــــــواب

هههههههههههه ههه

استغفر الله العظيم

المهم بردة لاقيت ان الولاد معذورين فى حاجة

بيقولوا لبسهم بيخلى الواحد يعاكس ويتراخم عليهم

يعنى لابسة حاجة ولادى شوية او شوية التقلايع بتاعت اليومين دول

وقالوا كمان ان البنت ان مكنتش تتعاكس تموت ويجرالها حاجة

وبكدا هما بيحافظوا علينا

فدلوقتى يا جماعة مين السبب فى المعاكسات

هل هى تصرفات البنت ……. ولا طيش الشباب …؟

ونخلى بالنا بردة ان فى بنات بيكون فيها اسباب تخلى الولد يعاكسها

موضوع مطرووح ونتكلم فية شوية

مين السبب فى المعاكسات دى؟

السبب المعاكسات تصرفات البنت الصداقة الجامعة picture.php?albumid=

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق