من حضرتــــك…..
مــــــــن حضرتـــك؟؟
سوا اللي براسك ولا تذكر اسباب
لاصرت بايعني توكل على الله
مابيني وبينك مشاريه وعتاب
شف دربك اللي جيت منه تدله
ماراح تغلبني لو الحب غلاب
من حضرت مشان قلبي تذله
في ذمتي لجعلك عبره للاحباب
لين الخليل يتوب عن جرح خله
زلاتك اللي مانفع فيهم حساب
لاجيت اعددهم ثمانين زله
احرجتني بين القرايب والاجناب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانو اغراب
حتى القمر لا غاب شفتك محله
خلاص لاترجع ترا خاطري طاب
الخاطر اللي كنت عايش بظله
رح واعتبرني واحد(ن) اذنب وتاب
ماني بثوب(ن) تلبسه ثم تمله
مايجتمع بالحب صادق وكذاب
رزقي على الله وانت رزقك على الله
هذه القصيده أعجبتني وأثرت فيني فأحببت ان انقلها لكم..
أتمنى أن تنـــال على أعجابـــكم..