من اين تهدم البيوت؟؟ 2019

سلام عليكم ورحمه الله وبركاته
ازيكم ياحبايب قلبي يا اجمل صحبه ربنا رزقني بيها ربنا يخليكم ليا يارب ومايحرمنيش منكم ابدا .
كنت اتكلمت قبل كده عن مواصفات لايجب توافرها في الزوج وكنت موجهه كلامي فيها للازواج بوجه الخصوص عن الزوجات ودي كانت الاجزاء التلاته بتاعتها للي ماقرهاش
هاتي زوجك وتعالى ورايا(الجزء الثالث والاخير ان شاء الله)
هاتي زوجك وتعالى ورايا(الجزء الثاني)
هاتي زوجك وتعالى ورايا

وكان في بنات طلبوا مني اني اتكلم عن الزوجه بس طبعا للظروف اللي مريت بيها اتاخرت يالا الحمد لله على كل حال ومن الواضح كمان ان الاجزاء دي ماعملتش موفعولها المشاكل لسه موجوده ونسبتها زادت كمان واللبانه اللي اسمها الطلاق محدش راضي يرميها من بقه طب وبعدييييين هنعمل ايييييييه نسيب بيوتنا تتخرب علشان الشيطان والعوزال يفرحوا فينا؟
علشان كده المرادي تقريبا هيكون الكلام للزوجه اكتر ماهو للزوج علشان خلاص ماعنتش عايزه اسمع الكلام ده (اشك في خيانه زوجي-زوجي مش عارفه اتفاهم معاه ابدا-اناخلاص قررت اطلب الطلاق- انا وزوجي -كارثه من اول سنه جواز-…….وماخفي كان اعظم) ايييييه ده كله دناجالي حول من قرايه المشاكل واللي يغيظ ان معظمهم متزوجين عن حب وهشرب سم يابابا لوما تجوزتهوش ومن اول مطب خلاص انا بكرهه -ابوه واللي جابوه – وعليه وعلى اليوم اللي شوفتو فيه
يلا كده نستخلص النيه في ان بحثنا عن حل مشاكلنا مع ازوجنا تكون مرضاه لله الاول وبعد كده مرضاه لازواجنا وحفاظا على بيوتنا من الخراب
يالا بئى كل وحده نعد مكانها مش عايزه اسمع دوشه اياك اسمع صوت عيل ولا وحده تتكلم مع اللي جمبها بالخرزانه علطول وهتتلسوع والجماعه الحوامل دول يعدوا ساكتين
حلوه صورتي وانا بالخرزانه اناقمر من يومي قمررر ههههه
والله انتو بتخففوا عني حجات كتير اوي من غيركم كان زماني منوره العباسيه ياللا الحمدلله على كل حال .
قبل مااخش في الموضوع عندي فكره حلوه اوي يارب تعجبكم وهيه ان كل وحده هتنضم للحزب بتعنا تكتب في التوقيع بتعها هدف الحزب واللي هو المفروض يكون نيتنا
حلوه حكايه الحزب دي يالا اشمعنى احنا المهم هنكتب بئى كلنا (زوجي هدلعه وههنيه مش هسيبه لوحده
تانيه تتسلى بيه)وياريت الحلوين اللي مش متجوزين يطلعوا بره الفصل .
اظن الكلام واضح بره يابت انتي وهيه مستعجله على ايه ياختي ههههههههه ياااااااااارب افرح بيكي انتي وهيه وتنضموا للحزب بسرعه وتخلفولنا احزاب ذؤنططه
يالا بئى ع الموضوع كفايه رغي بدل ما ام القمرات تضربي
بسم الله ولا حول ولا قوه الا بالله
موضوعنا النهارده يامدمات هيكون بعنوان ……….
من اين تهدم البيوت؟؟ ——–
المرأه بطبعها هينه سهله الانقياد!لكن يتسلط عليها شياطين الانس والجن فيغيرون تلك الصفات ويفسدون صفاء القلوب ..من اولئك الشياطين؟:
اولا:وسائل الاعلام التى مادأبت تحرض على الافساد بين الزوج وزوجته وتصور الرجل انه ظالم مستبد فافسدت الود وقطعت علائق المحبه !
ثم هي في الجانب الاخر تاتي بالحبيب والصديق والعشيق لتزين العلاقه المحرمه وتجمل حديثه تلطف عبارته وتهون العلاقه بين الرجل الاجنبي والمرأه فتصبح وقد تقلب قلبها وكرهت زوجها !
ثانيا:تهدم البيوت من جلسات فارغه من بعض الصديقات والزميلات في حصص الفراغ او الجيران في جلسات الضحى والعصر فالحديث استهزاء بالازواج وتحريض عليهم وتمرد على عش الزوجيه اللي (تلاقيهاتقولك والله الواحد كان اشترى اعذكم الله شبشب ولا كان عاشر راجل ياختي جاتهم مصيبه دول اعدين في البيت زي اي كرسي وخدي من ده كتيرررر)
وكل امرأه تدعي ان زوجي فعل بي وقال لي واحضر لي حتى تكون الزوجه المسكينه اذنا تسمع فيقع في قلبها كره زوجها البخيل وزوجها المشغول وزوجها الكسول
الوحده تجيلك وشها وارم من التلطيش ووخده شلوط في دمغها وتقولك شوفي يا ام مش عارفه مين ابومحمد الله يكرمه جابلي وجابلي ووداني وجابني ده مهنيني يامدلعني من الواضح ان اثار الدلع بينه في وشها ححح.
ثالثا:ممايعين على هدم البيوت عدم القرار في المنزل . فالزوجه خراجه ولاجه لا يقر لها قرار ..اسواق وحفلات..زيارات قائمه لاتنتهي وقد اشغلت قلبها وضيعت وقتها وفرطت في رعيتها!
رابعا:المعاااااااااصي والذنوب شؤم على البيوت فهى تجلب الهموم والغموم وتنزع السعاده نزعا..قال بعض السلف:اني لاعصي الله فارى ذلك في خلق امراتي ودابتي!
وقال ابن القيم :وللمعاصي من الاثار القبيحه المذمومه المضره بالقلب والبدن في الدنيا والاخره مالا يعلمه الا الله.
والمعاصي في اوساط النساء كثيره جدا ..منها تاخير الصلاه والغيبه والنميمه والخروج الى الاسواق متبرجه متعطره وغيرها الا مارحم ربي طبعا.
خامسا:مما يهدم البيوت ويفرق الاسر الكبر من قبل الزوجه وبواعث الكبر والعجب كثيرة الجاه والمال والشهاده والجمال وغيرها!مع قله عقل وقصر نظر.
سادسا:مما يهدم البيوت استبداد الزوجه وتسلطها في ظل شخصيه الرجل الضعيفه المتسامحه فيقودها ذلك الى التعنت والقفز على قوامة الرجل فتفسد نفسها واسرتها.
سابعا:تهدم البيوت من عدم مراعاه حق الزوج في التزين والتجمل له فلربما كانت النتيجه ان يقل نصيب الزوجه من ود زوجها او لربما قادته الى طرق محرمه فتخرب الدور وتهدم الاسر!.
ثامنا:المرأه العاقله تنزل من اكرمها وجاورها في الفراش والمنزل منزله عظيمه فلا تتسخط عليه ولاتندم عشرته فان مثل هذه المرأ الناكرة للمعروف المضيعه للعشره حري ان يسلب الله عز وجل نعمتها! وان كان في الرجل خله من النقص ففيه خلال من الخير كثيرة
ولتتذكر الزوجه قول النبي صلى الله عليه وسلم(ولاينظر الله الى امرأه لاتشكر زوجها ولا هي تستغنى عنه).
تاسعا:تهدم المرأه بيتها وتبدد سعادتها اذا سلكت طريقا وعره ذا شوك هاهي تطالب زوجها بالسفر وثانيه بالقنوات الفضائيه وماعلمت المسكينه ان المعاصي والذنوب تجلب النقم وتبعد النعم
كم من امرأه سعيده هانئه تحولت نعمتها الى شقاء بسبب معصيه الله عز وجل.
عاشرا:المرأه الذكيه الفطنه تراعي احوال الزوج ومتطلباته فهى تعلم موعد نومه وعذائه وماذا يحب وماذا يكره تسارع اليه حتى يسارع هو بقلبه اليها فلا تفعلى عكس ذلك.
الحادي عشر:تهدم المرأه بيتها بلسانها اذا جلست مع زوجها خالفت امر الرسول صلى الله عليه وسلم وبدات تذكر فلانه وصفتها وجمال شعرها وطولها وتصفها للزوج حتى يستعذب الحديث في النساء فان كان رجلا صالحا تزوجها وان كان فاسدا لربما افسدها او افسد غيرها وقد نهى صلى الله عليه وسلم عن ذلك بقوله(لا تباشر المرأه المرأه لزوجها كأنه ينظر اليها)
وقد ترى المسكينه ان هذا الحديث عن النساء ووصفهن لزوجها يقرب زوجها اليها وقد اضلت الطريق وتاهت في الضروب!..
ودي كانت الاسباب اللي بتسبب هدم البيوت
طب وعلشان نتجنب الوقوع في الاخطاء دي او لو وقعنا فيها وعايزين نصلحها بئى نعمل اييييه يا ام لسان طويل عماله تتفذلكي علينا ومعطلنا من الصبح
ده بئى يابونبونيات هيكون بكره باذن الله في نفس الميعاد ونفس الموضوع مش هنعمل جزء جديد
ومش هعمل كده الا لما اشوف الردود والتقيمات نازله ترخ واللي مش هتقيم هذنبها وخلي وشها للحيط
انا اصلا الشر بيجري في دمي
ههههه
واياك تنسوا تكتبوا الهدف في التوقيع

سبحانك اللهم وبحمدك اشهد الا اله الا انت استغفرك واتوب اليك

بحبكم في الله

الوسوم
إغلاق
إغلاق