مكسوفة من مقاس رجلك . من قصرك . او طولك . من سمارك . او بياضك 2019

المهم حكاية الكسوف من الشكل او من المقاس
عندى قصص كتير ليها
اول قصة
كنت فى محل جزم ( معلش فى الكلمة هههه)
وبعدين بنوته قدى جت قالتله
عاوزة الجازمة دى قالها المقاس كام وشها فى الارض كانه قالها انتى مرتبطة ولا لا؟؟
و قامت قايلاله 39 جابله الجازمة واخدتها عادى
وهى بتقيس الجازمة يا زهراتى كنت حاسة انها مكسوفة من مقاس رجلها
المهم من القصة دى انكمتكسفيش من مقاس رجلك خالص صغير او كبير لان الاتنين ليهم
فوائد كتيرة جدا جدا جدا
مبدأيا كده مفيش حاجة اسمها رجل صغيرة او كبيرة
فى حاجة اسمها رجل تنمو بنمو الجسم ورجل نموها ثابت … يلا ما علينا
فوائد الرجلين الصغير للبنت : 1- ليها شكل جمالى رائع فى البرلينات
2- يكون بها 33 نقطة تصل بالكلى و القلب مما يساهم بشكل كبيير جدا فى تحسين نبضات القلب وتنشيط الكلى على القيام بوظائفها
فوائد الرجلين الكبيرة للبنت : 1- تكون ملائمة جدااا فى البوت او الاحذية الشتوية
2- تسمح للجسم بالجرى بسرعة كبيرة لكمية الادرينالين الزائدة وهى ايضا تسمح للجسم بالقفز
3- تمنع انتشار مرض السكرى بالجسم بسبب كمية الادرينالين الزائدة بها مما يؤدى الى عدم زيادة نسبة السكر بالقدم الذى اذا زاد يؤدى ( اللهم عافنا) ببتر القدم
لسه ثقتك مازددتش اوووى تعالى كملى معايا
فى عام 1941 كانت هولندا تختار ملكة الجمال الخاصة بها بواسطة بعض الشروط ومن اهمها كبر حجم القدم فلقد فازت ماريا جوفرين على منافستها روز ميلسون لانها تزيد عليها ( نمرة) فى قياس الحذا الخاص بها
^^ يعنى احنا ملكات جمال اصلا ^^
…..
يعنى من الاخر ثقى فى نفسك الثقة دى صدقينى احسن بكتيير
وربنا يستحيل هيخلقك كده علشان عايزك تزعلى
اكيد له حكمة من كده
…………
الطول: عندك معظم البنات الطويلة ممكن حد يناديلها يا ام طويلة او يا نخلة او عمود النور وده والله بيحصل قدامى تلاقى الببنت ماشية مع صاحبتها و صاحبتهم التالتة تقولها يا ام طويلة هى مش بتبين انها زعلانة بس هى اكيد بتزعل لانكـــــــــــ مترضيش مثلا ان حد يقولك اسم غير الاسم اللى الست الوالدة والوالد تعبوا لغايت ما سموكى بيه
اولا بقى الطول علامة من علامات الجمال
وعندك معظم ملكات الجمال طوال
يعنى انتى ثروة قومية
و كمان البنات الطوال معظمهم بيبقوا طيبين جدااا
وكمان معمول عليهم امثال زى مثلا ( الطول هيبة )
( الطويلة تقضى حاجتها والقصيرة تنده على جارتها )
فرفشى كده و ثقى فى نفسك
>>>>>>>>>>
ونبدا نكلم عن القصر و نبطل نغلط بقى فى القصيرين علشان انا قصيرة
طبعا انا قصيرة وعارفة الكلام اللى بتنادى بيه و كل بنت قصيرة بتتنادى بيه زى
( اوزعة – سوسة – سن قلم رصاص .. ايه سن قلم رصاص دى ) يلا ما علينا .. احب اقول لكل بنت صيرة بتسمع الكلام ده قلبى عندكــــــــــ اقصد ثقى فى نفسكـــــ

عندك يا ستى اولا ان معظم الدراسات بتقول ان القصيرين عندهم نسبة ذكا ودها من الطوال
وبعدين كمان انتى بيليق عليكى كل حاجة كل حاجة مناسبة ليكى
وبتخسى براحتك وبتتخنى براحتك برضه عااادى
عندك فى الشتا بتتغطى بكل البطانية و بتدفى رجلك يعنى رجلكــــــ مبتطلعش عن الغطا
.. ملحوظة / انا بحاول اثق فى نفسى معاكم ..
وعندك مثل عربى جميل كده بيقول ايه
( لاتحزنى من نزول الناس اليك عند التحدث معك لانك قصيرة … فالكل عندما يرد ان يشم الزهر والورد البديع ينزل له …. فأنتى وردة )

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق