مـن يـحـشـر أنـفـه

يقول المثل من تدخل في ما لايعنيه لقي ما لا يرضيه

وأحيانا يكون تدخل بعض الناس في شؤنك الخاصه من أجل التشفي

وليس من أجل مصلحتك 00

وأكيد أن بعضكم قد مر بمثل هذا الموقف 00

وهذه الأبيات هي ما جادت بها القريحه أتمنى أن تنال رضاكم عنا

الاّ متضايق وضيـق واصـلٍ حـده ^^^ بس لو تكرّم بـلاش تكثـر أسئلتـك

بلاش تبحث خفى اللي كاتـم سـده ^^^ والاّ أنت دايم أحوال الناس مشغلتـك

غلطان كانك تحسب إنك مـن البـده ^^^ أهملني إن كنت ناصح مثل ما أهملتك

يا شين مثلك لا راح الهـم لـي رده ^^^ تكشف نوايـاك يالمقـرود بعجلتـك

إن كنت ناصح فحلقك يا ولـد سـده ^^^ والا تحمّل ليا مـن ثـرت وأزعلتـك

من يحشر أنفـه بمـا لا لـه فلا بـده ^^^ يسمع مثل ما سمعت أنتـه وشاكلتـك

بعض العرب ما يجي الاّ مع الشـده ^^^ ولولاي أخاف أكسرك إن كان عدلتك

من جاك يستـنصحك فالنصح له بـده ^^^ ومن جنبّك جنبّه وافطـن لمرجلتـك

ومن هّد دربك الأولى دربـه تهـده ^^^ يمكن يبي منزلـه ماهيـب منزلتـك

نصيحة اللي فضولك وصلـه حـده ^^^ من جاء يبي فزعتك جهّز له أسئلتك

الوسوم
إغلاق
إغلاق