مش معنى انك تبقى كووول انك تشتمى وانتى بتهزرى:( لالا 2019

مش معنى إنى أبقى كوول انى أشتم وأنا بهزر ومحدش يقول إن أنا اللى محبكاها أوى
وبعدين أصلا الشتيمه بتفقدك هيبتك أدام الناس
ما يلفظ من قول الا لديه رقيب عتيد
وبعدين لازم نراعى ان ربنا سامع كل كلمه بنقول لها يبقى نخلى ربنا يسمع مننا كلام زى ده
ولازم نتحلى بأخلاق الرسول صلى الله عليه وسلم (هل الرسول صلى الله عليه وسلم كان بيشتم)حاشا لله طبعا
تخيلى كده لو صحبتك شتمتك ادام المدرسين المدرسين هيبقى مبسوطين بيكم ولا هيبتك انتِ وهى هتفقدوها أدام المدرسين
مش لازم تشتمى وانتِ بتهزرى بس مش معنى كده إنى مهزرش خالص لأ الهزار ليه حدود بردو
متسمعييش للى بتقول لك الشتيمه فى الهزار يعنى حب وقرب الأصدقاء من بعض علشان الرسول صلى الله عليه وسلم وأصحابه كانوا بيحبوا بعض بردو بس مكانوش يشتموا بعض
لازم نتحلى بأخلاق رسولنا صلى الله عليه وسلم
وبعدين الرسول صلى الله عليه سلم هو قال اتبعونى يبقى فين اتباعنا ده للنبى عليه افضل الصلاة والسلام
أنا أعرف ان تعبير الأصدقاء بالحب بيكون بطرق تانيه مش بالشتيمه

طيب تعملى إيه لو واحده شتمتك وهى بتهزر متقوميش تشتمى انتِ كمان بقى
لا تقولى لها لو سمحتى مش بحب الهزار اللى بالأسلوب ده
واعرفى ان قبل ماتنطقى الكلمه شوفى ينفع لو الرسول صلى الله عليه وسلم واقف أدامك دلوقتى هتتجرئى تقوليها أدامه ولا لأ
طيب دلوقتى ربنا شاهد على كل كلمه بنقولها وسامعنا …يبقى بلاش من الكلام ده أحسن
وقبل ما أختم كلامى فى حديث عايزة أذكركم به
قال رسول الله صلى الله عليه وسلم(ليس المؤمن بالطعان ولا اللعان ولا الفاحش ولا البذئ)
وطبعا هدفنا هو رضا الله عزوجل ونتمنى من الله أن يحشرنا فى زمرة النيين والصدقيين والشهداء والصالحين وحسن أولئك رفيقا

إنى أحبكم فى الله

وأتمنى إنكم متنسوش أمى من دعائكم بظهر الغيب
اللهم اغفر لامى وارحمها وعافها واعف عنها واسكنها الفردوس الاعلى واجعل قبرها روضة من رياض الجنة
اللهم اجعل امى سيدة من سيدات اهل الجنة ولا تحرمها من لذة النظر الى وجهك الكريم يارب العالمين

منقول

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق