مش كل الى نكش شعره عالم 2019

العالم مش هو الشخص اللي بيدي اجابات صحيحة بس ..
لكن هو الشخص الى بيدي أسئلة صحيحة ..

دي مقولة لواحد اسمة ( كلود ليفي ) ودة عالم معروف باسم ابو علم الأجتماع الحديث
وف المقولة دي كان بيوصف العلماء من وجهة نظره

العلماء زيهم زي الأطفال اللي مبيبطلوش اسئلة لمجرد الفضوول

هو انا لو فتحت التلفزيون من ورا هلاقي توم وجيري ؟؟
لو كان الطفل كسر التلفزيون كان اكتشف عن طريق التجربة ان استنتاجة غلط
دة غير اللي كان هيحصل فية طبعاآ هههههههه

اللي الطفل عملة في التلفزيون هوا الأسلوب العشوائي لانة غير مستند لاي مرجعية
وهي دي طريقة الطفل فأستنتاج حقيقة الظواهر واكتساب المعرفة

الطريقة التانية في اسلوب المعرفة واللي بتميز العلماء والباحث العلمي
وبيسمي الأسلوب العلمي في التفكير عشان يكون في فهم اعمق
ويكون عندة مرجعيات لزيادة المعرفة

طيب يا تري لية العلم مش بنعتبرة من الفن ولا التكنولوجيا ولا الفلسفة ولا الدين ؟؟؟
بصي يا قمرة هنمسك واحدة واحدة دلوقتي تعالو نفرق بين العلم والفن ..

الفن بيهدف للبحث ع الجمال وتقييمة و بيسيب انطباع جميل في النفس اما العلم فلية
اهداف تانية مثلا التنبؤ والتحكم والوصف و التفسير

يعني مثلا لو بنتفرج علي لوحة لفان جوخ الفن هيقيم مدي جمالها وبتعبر عن اية وتناسق الوانها
لكن العلم هيعرفنا ازاي بنشوف الألوان عن طريق العين

اما بالنسبة للفرق بين الفلسفة والعلم .. الفلسفة بتعتمد علي التفكير بالعقل من غير مرجعيات
لكن العلم بيعتمد علي الملاحظة والتجربة و الأدلة والقياسات والبراهين ووضع القوانين والنظريات

ناس كتيير بتفتكر ان العلم هوا التكنولوجيا .. لا طبعا ببساطة التكنولوجيا هي استخدام اللي وصل
لية العلم عشان يعمل تطبيقات ليها فايدة في الحياة لان بدون العلم مفييش تكنولوجيا

في الحالة دي ان العلم والعلماء ولدو المعرفة لكن المهندسين والمعماريين طبقوها

والعلم مش بيوجد مطلقا لا دة عبارة عن نظريات مستنتجة وممكن واحد من العلماء يثبت نظرية

ويجي عالم تاني يثبت ان النظرية الأولي غلط تماما زي مثلا كروية الأرض بعد ما كانت مسطحة

وعشان كدة العلم بيتتطور

العلماء بقي عندهم صفات بيتميزو بيها طيب كيف تصبح عالما ؟؟؟

الفضول في العلم والشغف تجاه وكثرة الأسئلة
القدرة علي الصبر والمثابرة

الوعي وعدم التحيز لافكار العالم السابقة
الدقة والقدرة علي النقد
الأبداع
عدم الخوف من الفشل

طيب تفتكرو لية الأبداع والأبتكار مهم عند العلماء ؟؟؟؟؟
ببساطة عشان يحولو فضلوهم عن الحجات اللي حواليهم لتجارب تطلع نتايج تطلع تطبيقات
وعشان يبسطو النظريات المعقدة لحجات بسيطة جدا
اتمنى يكون موضوعى عجبكم يا عدولات
فى امان الله حبايبى