مش عارفه طريقه حلوة للمذاكره تعالي معايا هنا 2019

السلام عليكم ورحمه الله وبركاته

بالله نستعين وعليه نتوكل

اكيد كتير مننا يا بنات بيقابلها مشكلة في المذاكره

طيب تعالي هنا حقولك ازاي كنت انا بذاكر والحمدلله الطريقه دي كمان سهله وبسيطه

ونتيجتها ان الحمدلله بفضل الله انا دخلت كليه الحقوق وبقيت محاميه اد الدنيا بفضل الله

اولا حاجه تعمليها انك

تختاري مكان هاديء جدا طبعا بعيد عن اخواتك وبعيد عن اي حاجه تشغلك زي التلفزيون او الكمبيوتر

الا طبعا لو كنتي محتاجاه في المذاكره

تاني حاجه طبعا تجهزي كتبك وادواتك وكراسه صغيره حقولك بعدين حتحتاجيها في ايه

تالت حاجه طبعا تقولي الدعاء ده

اللهم اشرح لي صدري ويسرلي امري ، اللهم ارزقني فهم النبيين يااارب

وبعد كده تفتحي الكتاب وتقرأي الفقرة قراءه كويسه وبتمعن علشان تفهميها

وبعدين اقفلي الكتاب او غطي علي الحته اللي انتي قرأتيها وقولي بصوت عالي اللي فهمتيه

وبعدين تروحي علي الكراسه وتكتبي النقط المهمه للفقرة

نقط بس يا حبايبي مش مقاله كبيره علشان مترهقيش نفسك من الاول

وبعدين روحي علي الفقرة اللي بعديها واعملي نفس الكلام

وفي الاخر خالص روحي للكراسه واقراي النقط اللي كتبتيها علشان متنسيش اللي فات

وبعد كده والاهم من ده كله

تحلي وتدربي كتير

يعني تفتح الكتب الخارجيه وتحلي التمارين كتير

وبخصوص الماث او الرياضات حسب ما تسموها

تفتحي الكتاب وتقراي الشرح مره واتنين وتلاته علشان يلزق في راسك ومينزلش ابدا

وحلي كتير وبكده تاخدي ثقه

وليله الامتحان امسكي الكراسه واقرأي النقط تاني وتالت

واجري علي الحمام خدي دش دافي وصلي ركعتين لله وادي ربنا بالتوفيق

المجهود من مجهودي الشخصي والله

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق