مراعاة شعور الناس ،فناُ راقٍ لا يفهمه إلا ذوى العقول الراقية، راعى شعور الناس يا فتاة 2019

انا فى موضوعى النهاردة هتكلم عن مراعاة شعور الناس
لانى ملاحظة ان فى ناس بتستهون بشعور صحباتها
يعنى مثلا لو فى واحدة صحبتك زعلانة وجاية تشتكيلك
حاولى تساعديها وتشوفيها زعلانة ليه و حاولى تفرحيها
مش تقوليلها انا مشغولة مثلا او تقوليلها “مممممم” !!
عشان هى كدة هتزعل اكتر وهى بتبقى مش ناقصة اصلا

و مثلا لو عايزة تنصحى واحدة من صحابك بحاجة مش تنصحيها
بالخناق والزعيق وقدام الناس لا خديها على جمب الوحدها كدة
و فهميها بالراحة وانصحيها بالزوق كدة وبهدوء
عشان تحبك وتقرب منك و هتستجيب لنصيحتك انما لو كلمتيها
باسلوب او طريقة مش لطيفة مش هتستجيب لكلامك طبعا !
هيتقلب بالعكس

فا لازم تراعى شعورها وتعرفى ازاى تتعاملى معاها
عشان متكرهكيش .. وكمان حاولى تقربى من صحابك
و تتكلمى معاهم وتسالى عليهم وتطمنى عليهم علطول
عشان يحبوكى و اهتمى بيهم
ممكن يكون كلامك قليل معاهم بس حلو ودخلك قلبهم
و لما تتخانقى مع صحابك مثلا مش تتطنشى بقى وكدة
لا ده عشرة هتخلص كدة فى ثانية ! مش معقول كدة

شوفى انتى قلتى ايه وانتى بتتكلمى معاهم وشوفى انتى غلطانة
ولا لا بس فى الغالب بيبقى انتو الاتنين غلطانين

و لازم لما تغلطى تعتذرى عشان كدة انتى مش خسرتى كرامتك
لا بالعكس انتى كدة عندك اخلاق ومتربية

وكمان لما مامتك تقولك تساعديها قومى ومتكسليش
لازم تساعدى ماما فى البيت لانها بتبقى تعبانة طول الوقت
يا عينى لازم نساعدها عشان “ألجنة تحت اقدام الامهات”
يعنى لما تكلمى ماما كويس وتساعديها هتحبك وربنا هيرضى عنك

وبابا كمان كلميه كويس و لو محتاج حاجة ساعديه
فيها رضا الوالدين ده اهم حاجة فى الدنيا يا زهورات

ولو فى حد منكو عندو زيادة يقول مفيش مشكلة ^^
و اتمنى الموضوع يكون عجبكو

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق