لي عزة تشمـــخ معي دايم الدوم

لي عزة تشمـــخ معي دايم الدوم

لاترتجي مني مواصيل واعلوم==هذا قراري كان تبقى مردي

ماقبل عتب منك ولا اقبل اللوم==مات الغلا يامبيح اليوم سدي

ماتنفع الطلبه ولا حبة خشوم== لا لا تحاول وصل الغيظ حدي

من باعني بعته على اول السوم==حتى ولو حبه مللك كل ودي

من عزني يبقى معي شخص محشوم== ابادله نفس الغلا ابكل جدي

معك احكمتني صدق عادات وسلوم== ورثتها من سلم ابويا وجدي

لي عزة تشمخ معي دايم الدوم== اعزها لو اصبح الوقت ضدي

انت انحكمت ابسلم نذلين ورخوم== ناس على النمه تجيب وتودي

لا عزة تمنع ولاعندك اعزوم== ماللك ثقه ياناقص اليوم عهدي

مثللك معي ماظن يبقى له إلزوم==لملم شتاتك واعتبرها تحدي

اخذ الخبر وصامل الهرج معلوم== يحرم علي امصافحك كف يدي

إقراء أيضا  حبيب العمر
الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق