ليه كدا تخلي صديقتك تشتمك الشتايم دي:)؟؟ 2019

ازيكوا يا بنات
يا رب تكونوا بخير
اتخضيتى من العنوان
طب ليه مابتتخضيش لما صاحبتك
تقولك لفظ من الى فى العنوان دول؟؟!
يخربيتك … يحرقك … ياخدك

طب انتى ماتعرفيش
يا ست البنات ان كل دى دعاوى
تخيلى لو ربنا استجاب لدعوه من دول

زى مثلا يحرقك

هتبقي انتى مبسوطه لما صاحبتك تقولك كده؟؟!

طب لما تقوليها انتى لصاحبتك الى المفروض بتحبيها

هتبقي انتى مبسوطه لما هى تولع ؟؟؟!

اكيد لأ

هتقوليلى انا مابيبقاش قصدى
انى ادعى عليها
بهزر معاها عادى يعنى

طب ما الام ساعات بتدعى على ابنها
تفتكرى بيبقى قصدها؟؟!
طبعا لأ
ومع ذلك ساعات الدعوه بتستجاب منها

طب ليه اصلا تعرضى نفسك وصاحبتكك
لحاجه زى دى

مش المفروض يكون لسانك حلو

اهه اللسان ده الى بيودى الناس فى داهيه

عشان كده النبى صلى الله عليه وسلم وصى بالحفاظ عليه
وان الواحد يفكر فى كل كلمه قبل ما ينطقها

إن العبد ليتكلم بالكلمة من رضوان الله ، لا يلقي لها بالا ، يرفع الله بها درجات ، وإن العبد ليتكلم بالكلمة من سخط الله ، لايلقي لها بالا ، يهوي بها في جهنم
الراوي: أبو هريرة المحدث: البخاري – المصدر: صحيح البخاري – الصفحة أو الرقم: 6478

خلاصة حكم المحدث: [صحيح]

عشان كده

لازم ناخد بالنا من كلامنا

حتى لو كنا بنهزر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى