ليه بنفكر في كلام الناس بس؟ 2019
انا كنت عاوزة اتكلم في موضوع الكل عارفة بس مش بيعمل بيه .
طب هو ايه؟
اننا دايما بنفكر في كلام الناس الاول في كل حاجة بنعملها اللبس و طريقة الكلام و غيره و بنعمل الحاجات دي على اساس رايهم
لو عاجب الناس نعمل ولو مش عاجبهم مش نعمل ونسينا اهم حاجة وهي رضا ربنا عنّا
لازم يا فتوكة مش نسمع كلام الناس في كل حاجة (ومش كل الناس)
واحدة ممكن تلبس جيب يقولوا يع فتروح لابسة بنطلونات ضيقة
واحدة تقول السلام عليكم (ودا موضوع اتكلمت عليه فتوكة هنا) يقولوا دي بيئه وعاوزينها تقول هاي وباي و الكلام دا
ليه يا فتوكة تمشي ورا الناس في كل حاجة مش فكرتي في ربنا هيحاسبك في كل حاجة؟
مش فكرتي هتقولي ايه لما تقابلي ربنا؟
لا يا حلاوتهم لازم نرضي ربنا في كل حاجة نعملها ويكون السؤال الوحيد اللي لازم نسأل نفسنا عليه قبل ما نعمل اي حاجة (دا يرضي ربنا ولا لأ ؟) ونمشي على اساسه
لو يرضي ربنا نعمله من غير التفكير في كلام الناس
لو مش يرضي ربنا مش نعمله حتى لو عاجب الناس
ونفتكر ان في جنة وفيه نار
وهقول للي بيلبسوا بناطيل او اسبانش او طرحة قصيرة انتوا عاجبكم اللبس (هل دا يرضي ربنا؟) و (هل ترضوا تقابلوا ربنا وانتوا لابسين كده؟)