لو نفسك تبقى مبسوطه على طول 2019

عمرك رحتى للدكتور و كنت تعبانه و بعد ما خلص كشف
قال لك :
يابنتي انتى سليمه , ما عندكيش حاجة عضوية
الألم اللي عندك ده ( نفسي ) !!
عموما لو ما حصلكيش , فيه ناس تانية حصل لهم
المهم يعني , عمرك سمعتي عن مرض عضوي كان أصله نفسي ؟؟
أكيد سمعتي ..
طيب عمرك سمعتي عن العكس ؟؟
إن وضعك العضوي ,المادي , الملموس ممكن يأثر على حالتك النفسية ؟؟
طبعا هتقوليلي : إزاي ؟؟
نفسك تبقى مبسوطه 01.gif
هقول لك يا ستي :
ارجعي بالكرسي اللي انتي عليه لورا شوية ..
اثني ظهرك
..
ضعي كوعك على رجلك ..
ضعي خدك على إيدك ..(وركزي)
انظري للأرض ..
هاه .. حاسه بإيه
دلوقتي ؟؟
أكيد افتكرتي موقف وحش ,
أو مشكلة قديمة ( هفّت عليكي ) ,
أو جالك إحساس وحش أو …. إلخ,
صح ؟؟
طيب دلوقتي نجرب حاجة تانية ,
رجعي ظهرك لورا ,
افردي ظهرك ,
انظري لأعلى بزاوية 45 – و ما تسأليش ليه
نفسك تبقى مبسوطه 01.gif
ارسمي ابتسامة عريضة بشفايفك .
ياستنا ارسميها و خلاص
هاه , جاهزه ؟؟
دلوقتي افتكري أي موقف وحش في حياة جنابك الكئيبة …
لا لا , سيبي الوضع و الابتسامة و كل حاجة زي ما هي,
.
.
.
العملية مش نافعة , صح ؟؟
لييييييه ؟؟
نفسك تبقى مبسوطه 01.gif
لأن جسمك في وضع ( إيجابي ) ,
يعني في الوضع اللي عادة بيكون فيه بيفكر فيه تفكير إيجابي ,
فمش قادر يفكر تفكير سلبي ,
علشان كده هيئتك و وضعك المادي المحسوس ده ممكن جدا يأثر في حالتك النفسية ,
و فيه مقوله عاجباني جدا للإمام الشافعي بيقول فيها :
(
من نظف ثوبه قلَّ همّه , و من طاب ريحه زاد عقله ) (**) ,
تخيلي نفسك كده ( واخده دُش ) و لابسه (الحتة اللي على الحبل) و الهدوم مكوية و نظيفة و آخر تمام و آخر جمال ,
تخيلي نفسك في الوضع ده و شوفي تفكيرك و تعاملك و حياتك هتكون إزاي ؟؟
و تخيلي نفسك العكس برضه ,
نفسك تبقى مبسوطه 01.gif
أكيد أكيد وضع جسمك و هدومك و جلستك و مشيتك و ….. إلخ ,
كل الحاجات دي بتأثر على حالتك النفسية و على ( دماغ جنابك العالي ) ,
علشان كدا لما تلاقي نفسك داخله على نوبة اكتئاب و لا حاجة ,
لازم ( تلبي نداء الطشت ) و تقومي تستحمى ,
و تلبسي نظيف و تسرحي شعرك و تحطي ريحة و تظبطي نفسك كده ,
أو على الأقل تعدلي من طريقة جلوسك و تبصي للسقف و تبتسمي , و كله هيتظبط تظبيط ,
بس خلاص , رجعي ظهرك لورا و إلزقي ابتسامه على وشك ,
واكتبيلي تعليق

مقالات ذات صلة

زر الذهاب إلى الأعلى