لومتجوزه جديدتعالى اقولك نصيحه 2019

السلام عليكم

مهما كان حب زوجك ليكى

فلابد إنه بيكون فيه بعض الأمور اللى لازم تاخدى بالك منها

ومن أهم الحاجات دى أيام البيريود

فيه شويه حاجات هقولكم عليه من واقع خبرتى واللى تحب تزود يبقى كتر خيرها

1_ لازم تاخدى شاور كل يوم من أيام البيريود

فيه بنات طالما البيريود وصلت معلش يعنى مبتستحماش وتقولك أما الدوره تخلص بقى أبقى أستحمى

طبعاً الكلام ده مينفعش بعد الزواج

لازم تكونى الأيام دى بالذات نظيفه بزياده

2_ تغيير الحفاضه بإستمرار

ياريت كل ساعتين تغيرى الحفاضه على الأقل فى أول يومين لما بيكون الدم كتير

ومتنميش بيها مش نظيفه أبداً علشان ريحتك ياحبيبتى متبقاش وحشه

3_إستخدمى غسول للمنطقه الحساسه

ياريت تستخدميه الصبح وبالليل بتكون ريحته جميله وبينظف ويعقم

4_إزاله الشعر من المنطقه الحساسه

طبعاً مش أيام البيريود بس المحافظه على إزالته بإستمرار لأنه أكتر سبب فى الريحه اللى مش ظريفه

5_ تستخدمى حاجه مطهره أو معقمه للحمام

زى مثلاً الكلور أو ديتول……….بعد ما تخلصى حمام وتشدى السيفون يامعلمه

ترشى شويه كلور أو ديتول علشان يضيع اى ريحه وحشه

وتعطرى الحمام كمان وأسهل حاجه ترشى رشه اى نوع برفان بتستخدميه

علشان يبقى ريحه الحمام بعد ما بتخرجى منه اجمل ما وانتى داخله

6_الحفاضات المستخدمه

ودى بقى لازم متقعدش فى الحمام إتصرفى إنتى وطريقتك

مينفعش خالص يشوفها
من الأخر لازم ميشمش منك إلا الروايح الجميله فى الأيام دى بالذات

علشان فيه رجاله بتقرف قوى

والموضوع ده بيأثر معاه جامد
يارب الموضوع يعجبكم

الوسوم
إغلاق
إغلاق