لازم نصلى عشان ربنا يبركلنا 2019
انا لحد 3 اعدادى (ناو انا طالعة 2 ثانوى)مكنتش بصلى بابا دايما كان
يكلمنى بس كنت بحس ان الصلاة تقيلة اوى واكسل ومش قادرة
واصل رجلى وجعانى واصلى نسيت
بس انا فى الاجازة بتاعت 3 اعدادى قررت اواجه نفسى بكل عيب
فيه وسألت نفسى انا ليه مبصليش وازاى ابقى مسلمة وانا مش
بصلى ده الصلاة عماد الدين وقولت لنفسى انا لما واحدة من
صحابى تتصل على التليفون بجرى وارد عليها طب ربنا اللى بينادينا
5 مرات فى اليوم ازاى منجاوبهوش بصلاتنا وقولت لنفسى لا زم
اصلى وفعلا بقيت اصلى واعيط انا وبصلى لأنى مكنتش بركز فى اى
حاجة حوليا غير فى صلاتى وقولت لنفسى انى مش هفرط فى
صلاتى تانى كمان انا بقيت مرتاحة نفسيا جدا جدا جدا لما بقيت
اصلى
وعشان مسبش فرض كنت بقول هتعملى ايه يوم القيامة لما ربنا
يقولك مكنتيش بتصلى ليه هقولوا ايه اعتبرى نفسك اول واحدة
هتتحاسبى قدام ربنا
كمان شهر رمضان داخل علينا لازم نلتزم فيه وندعى فى صلاتنا ان
ربنا يغفرلنا ذنوبنا
ويبارك لنا
ياريت نقرب من ربنا ويارب تكونوا اقتنعتوا بكلامى وربنا يجازيكوا كل
خير