لآ تحتريني

الفؤادْ ساحة حربَ وجروحِي قبور
دفنت فيها .. الذكرياتَ و حنيني !
وسويت من صبري حوالينها سور
في داخله كل شي .. بينك وبيني
لا تعتذر لي ما انت صادق ومعذور
خل َالعـذر .. للي بقى من سنيني !
إذا كان عندك ذوق واحساس وشعور
ما تشتكي ( ذكـراه ) .. قدام عيني !
ليه اشتري خاطرْك خاطرْك مكسور
من قبل .. لا اجيك وقبل لا تجـيني
رجع لـ ( التقديـر ) قيمه و لا دور
وشلون اقدّر وضع من لا يبيني؟!
من قلت لك تسلم حبيبي و مشكـور
وسحبت من سكون يسارك .. يميني
وانا .. نويت عدم تواجد ما بعده حضور
الله .. يغفر لي ( الجـفا ) ويهديني !!
هذي ( طبيعة نفس ) ماتقبل الجور
ماهيب في يديينك ولا في يديني ..
ولاّ انت ما يلحق ردى نفسك قصور
شوف بـ عيونك ويش سويت فيني ؟!
عقب غيابي عنك بشأن اربع شهور
توك تجي تسأل علامي وويني !!؟
قد قلت لك ماني على الوصل مجبور
لا غبت عنّك ( يُـوم ) .. لا تحتريني !

إقراء أيضا  اعشقنى @@

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق