كلمات كاسيت حمد العامري 2004
يبت لكم كلمات اغاني كاسيت حمد العامري 2004 واتمنى تعجبكم
ما فاز
ما فاز قلبي فيك ما فاز
خسران من كثر القطاعة
والطيف عن عيني فلا خاز
سرحان في وسط الجماعة
لك في خفايا الروح برواز
حبك ولا يمكن ضياعة
و عنك المتيم مول ما ياز
أصبر ولا عندي استطاعه
كلما عذلته عاند حاز
من أجل عينك اندفاعه
أسرار حبي فيك وألغاز
وأخفي عن العاذل سماعة
يا من على كل الغلا حاز
لا تستمع قول و اشاعة
يمتاز من الخفرات يمتاز
بدر تعلى في ارتفاعه
تزعل وأراضيك
تزعل وأنا اللي منك زعلان
تقسى وتجرح قلب مغليك
غالي معي لو كان اللي كان
متعود تزعل وأراضيك
ان كنت ناوي صدي يا فلان
الروح في بعدك تناديك
وان ييتني من الحب ظميان
بسقيك من حبي و بروي
يالسولعي يا تاج الأعيان
ربي جمال الحور معطيك
حسن وجمال و قد فتان
في هيبتك من هو يجاريك
سبحان من صورك سبحان
كل الحسن مملوك في ايديك
كل الحسن مملوك في ايديك
لو هو انخلق شرواك انسان
لا ماحتوى طيبة معانيك
أعاتبك والقلب ولهان
رغم العتب مقدر أجافيك
خللك معي والحب سلطان
محد في هالدنيا يماريك
محد في هالدنيا يماريك
الرمش أريشا
بالعيون السود والرمش أريشا
أرسلك ربي لخفاقي عذاب
لا حشا مالي بهوا غيرك حشا
الغدير العذب منت بالسراب
بي نشا ودك وبه قلبي انتشا
دونكم ما بين غربة واغتراب
ساقني شوقي لكم سوق الرشا
و كما سوق الروا يحلى السحاب
يلعب بفكر المولع ما يشا
والخيال يداعب حرف الجواب
غاشيني في بحورك ما غشا
العامري مجنون ليلى به وذاب
فيك ماسمع قول وشاي وشا
منك قلبي دايم بروح الشباب
ارتشى قلبي من عيون الرشا
وانخدع يالين ضاق بهالرحاب
داين
داين و من حقي أدينك
يا مسهر عيني خيالك
كلما اتصلت وقلت وينك
ترد روحي باتصالك
لاقي بيميني في يمينك
بحس تأثير انفعالك
هل أعتبر روحي ظنينك
و ان ياز لك خذني حلالك
لا تاخذك مني سنينك
وأموت ظامي دون يالك
غذ المشاعر من حنينك
مشاعري كلهن فدالك
دام الوفا بيني و بينك
هونك على قلب صفالك
طاغي على مغرمك زينك
خالقك أبدع في جمالك
غار الغصن من قد لينك
ويحق لك رقة دلالك
بموت أنا في رمش عينك
و من ناظرك لا شك هالك
الدمعة
كنت أظن هالدمعة اللي وسط عيني
وانت رايح جت معاي تودعك
لين طاحت مني كلها ما تبيني
من غلاتك ودها ترحل معاك
هذا قلبي هذي عيني وذي سنيني
ما يبونك ترحل و كيف أقنعك
حتى روحي واقفة بينك و بيني
لا هي عندي ولا هي تقدر تمنعك
خذتني كلي أنا وش باقي فيني
خايف أوقف وألقى ظلي يتبعك
روح وسافر بس طلبتك يا ظنيني
عالأقل لو ما أشوفك أسمعك
روح وسافر بس توعدني تجيني
وانت سالم للي ينطر مرجعك
أما عني روح ولي رب يعيني
الله يعلم كيف حال مودعك
صرت أحسد من كثر شوقي و حنيني
حتى هذا الخاتم اللي ف اصبعك
اتمنى انها تعجبكم