كلمات شيلة الوازع الديني – فلاح المسردي
طاح من جنبي حزامٍ مجريني
,, انتهت نسبة رجوعه وعقلانه
كان لا احتجته لقيته مياميني
,, لين اخذه اللي خذا روس جدانه
لا انتهى وقت العزا من يعزيني
,, الله يكفي شر ذا الوقت وأحزانه
امتلا صدري كلام وفضت عيني
,, وما بقى في شي ما اختل ميزانه
طاح من جنبي حزامٍ مجريني
,, انتهت نسبة رجوعه وعقلانه
كان لا احتجته لقيته مياميني
,, لين اخذه اللي خذا روس جدانه
كان اشوف بوجهه الوازع الديني
,, مثل ماشوف العشاء بين حجانه
وكان مايغلي اللي ماهو بيغليني
,, حتى لو اللي مايغليني اخوانه
لا انتهى وقت العزا من يعزيني
,, الله يكفي شر ذا الوقت وأحزانه
امتلا صدري كلام وفضت عيني
,, وما بقى في شي ما اختل ميزانه
وكان في بيته وقلبه يراعيني
,, وانا ماني باتردى على شانه
ودي أنه كل ماجاء يطريني
,, لين يطلق حاجبه وأطلق لسانه
اختلف عقبه نظامي وروتيني
,, مثل قصرٍ طاح ركنٍ من أركانه
راح مني ضامنٍ أنه بياتيني
,, مثل ما يضمن لك المومن إيمانه
والله لولا موته أن مايخليني
,, بس هذي قدرة الله سبحانه