كلمات اغنية بسمك يا حسين – حسين فيصل

موضوعي يمك خليته يا ابو السجاد يمك حبيبي

يالجيت و ناخيته و دمعتي بالعين .. حتى من اصد ارجع الك يا حسين

جيتك بالبواجي امسح ادموعي .. عندك يا ابو السجاد موضوعي

بسم الله بسمك يا حسين و بسم الجروح

ميت اجيتك يا حبيبي رد لي الروح

مهموم شايل بالقلب كل همومي الثقيلة

ما اقدر اهرب سيدي والله ما عندي حيلة

جيتك و انت مقصدي و انت باب الفضيلة

افتحلي قلبك جيت الك مالي غيرك وسيلة

دنياتي صحاري تصبح بلياك .. عطشانة المشاعر روها بمحياك

يالعارف همومي و قلبي و اجراحه .. بطرواك اشكثر انا اشعر براحة

و اذكر محب ذرية راد وهل دمعته .. وبعام ثاني جالك و باحضانه بنته

اللي يحبك ما خسر يا حسين والله فايز

بعيوني شاهد بالشفت اهواي شايف معاجز

اتذكر القام و مشي و هو بالمشية عاجز

الاعمي نظر الاخرس نطق وياك كل شي جايز

احجي و مؤمن بكل كلمة كاتبها .. شاهد عالمعاجز وانت صاحبها

ما اتعجب ابإعجاز عاينته .. و انت على الرمح قرآن رتلته

و الما عرفك و جرب ايجيلك لحاجات .. لو ميت ترد روحه يا باب الكرامات

رحمتك حتى على العدو اللي بافعاله اجرم

خايف عليه لو حاربك ينجوي من جهنم

وشلون انا اللي عيشت بحسين عمري مغرم

ابقى على ذكرك كل وقت مو فقط في محرم

ادري مثقل بطلباتي يالغالي .. بس انت حنون اهواي و اتبالي

اتأخر عليا و دوم تلقاني .. متيقن حبيبي محال تنساني

جيت بعيوني حاجتي و اطلبها يمك

و اقسم قسم غالي عليك بضلع امك يا زهراء

وياك عشرة من الزغر ما تكسر الخواطر

معروف طبعك سيدي بكل مصيبة انت حاضر

يا حسين تدري بالألم و انت اصل المشاعر

اهواك و انت بكل كسر بيا يالغالي جابر

منك ما امل يا حبي الاقدم .. متعود اجيلك من احس بالهم

و حتى اللي طلبته انساه و اسمعني .. بيوم القيامة هناك اذكرني

يالجيت و ناخيته و دمعتي بالعين .. حتى من اصد ارجع الك يا حسين

جيتك بالبواجي امسح ادموعي .. عندك يا ابو السجاد موضوعي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى