كلام جميل عن ملابس العيد 2019 , عبارات مدح ثياب العيد

ملابس العيد يوم العيد مطلوبة
غترة وثوبٍ جديد وبشت وعقالي
فالمشهد اللي يروحون العرب صوبه
تسمع لهم مع صلاة الصبح ولوالي
كلٍ تلبّس وجاك يمسّس جنوبه
مشتال سبحة ونظارة وجوالي
ما غير موضات والموضات مرغوبة
والاّ الحقايق تراها عكس الأشكالي
لو كلّ واحد تعابيره على ثوبه
تشوف لك شيء ما يخطر على البالي
كمْ ناس تلبس ثياب العيد مقلوبة
تعبير عن ما نعيشه وقتناالحالي
ما عاد للعيد فرحة عندنا نوبة
ما عاد له فرحة الاّ عندالأطفالي
الناس صارت تجي للعيد مغصوبة
ولا يعايدك غير الصاحب الغالي
عايدك ثم حكّ عرقوبه بعرقوبه
سلام وإلى اللقا فالمشهد التالي
صرنا ما نعرف بعَضْنا يالله التوبة
ما أعرف ولد عمّي الاّ من ولد خالي
ورفيقي اللي يجيني نافخ ذروبه
آخذ سنة كاملة ما سال عن حالي
من حقّه أعايده وأعطيه ماجوبه
ومن حقّي أوادعه وأنساه طوّالي
والله لولا صلاة العيد مكتوبة
لتصير من بين ربعك كنّك الجالي
ليش المحبّة من القاموس مشطوبة
ليش التباغض وليش القيل والقالي
الطِّيب مرضان والرُّفقة في غيبوبة
ما خلّت أجيال أبويه شيّ لأجيالي
وإن صار جيلي هذا ممشاه وأسلوبه
لا والله العلم كيف أوصِّي عيالي
العاقل الفاهم اللي يعرف دروبه
يشوف ما شفت ويصادق على أقوالي
واللي يحسْب إنّ ثوبه يستر عيوبه
يقول عيدك مبارك ويتحلوالي
لكنّ عيديّته ماهي بمحسوبة
عيديّة اللي ضميره بالرّدى كالي
اللي يعيّد برفقة شبه مسلوبة
أحسن يعيّد على هندي وبنقالي
واللّي يعيّد بدون يشوف محبوبه
كنّه معيّد لحاله فالخلا الخالي

كل عام وكل يوم وكل لحظه من سنينك
وأنت ياعيدي بخير وكل أعيادك هنا
؛
؛
للعيد طيب وطيب عيدي هل الطيب
وأطيب عطور العيد عندي معايدك
؛
؛
عيدك مبارك يابعد كل الأعياد
ياعزي الشامخ ويانور عيني
؛
؛
أبي كلمه تروي ضماي أيام وشهور
عيدية من فمك يقطر عسلها
؛
؛
عسى عيدك سعيد وجعلك بعيدك بعد مرتاح
عساك بخير في كل السنين ودوم متعافي
؛
؛
العيد والله شوفتك ياهوى البال
وبدون وصلك مالعيدي حلاتي
؛
؛
العيد بك عيدي أنا يوم أشوفك
وباقي لبشر ماظن شوفتهم أعياد

أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
……………….. ……………….. ……………….. ……………….. ……………….. ……..
وشاعر أخر يقول:

كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!
……………….. ……………….. ……………….. ……………….. ……………….. .

أجيك مقبـل والفـرح محتوينـي
طويت حزني واكتسيت السعـادة
فرحة بوجهي وابتسامـة بعينـي
وثوب جديد وعطر ريحة زيـادة
ادري الحزن له موقعه في جبيني
وادري البكا في داخلي وبعنـاده
وادري انا ما اختار شي(ن) يجيني
أقدار مـن ربـي ولا لـي إراده
بـاستمحك يا حزن تطلق يدينـي
بـأذوق يوم العيد طعم السعـادة

خالد الفيصل يقول عن العيد

ياساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا أتلع الجيد
واسحب على حرفي لحون الربابه

حرفي بصوتك يا أجمل الصوت تغريد
يا رمز حبي هاك رمز الكتابه

يا صبح عمري فيك للعمر تجديد
وحبك يجدد كل يومٍ شبابه

للعيد والقمرا وحسنك مواعيد
وليل الهوى شرّع للأحباب بابه

يا ما زعجت الصوت باسمك تراديد
ويا ما نسيم الوجد يمك سرابه

وياما تمنيتك على باقي الغيد
وأقول مثلك يا غلى الروح مابه

يا قطرة الغيمه على يابس البيد
رد الحياة لخافقي يا ذهابه.

——————————————————————————–

عبارات عن ملابس العيد , كلمات كشخة العيد , كلام معايدة , شعر عن العيد , كلام تهنئة بالعيد , خواطر عن العيد , قصيدة عن عيد الفطر , خاطرة عن عيد الاضحى , رمزيات العيد , كلمات قصيرة عن العيد , صور مكتوب عليها عبارات عن العيد , ابيات شعر عن العيد , صور ملابس العيد , فساتين العيد , صور فساتين العيد 2018 , خاطرة عن العيد ,كلام معايدة , شعر عن العيد للبنات , صور توزيعات العيد , رمزيات العيد للبنات , غلاف فيس بوك العيد , حالات واتس اب العيد

قرّب العيد والمحبوب عنـي بعيـد
أتوجـد عليـه ودمعتـي حايـره
والهواجيس في صدري وقامت تزيد
تصطفق كنها أمواج البحر ثايـره
كل ماقلت : هادت عودت من جديد
أشهد إن المحبه … ياملا جايـره
السهر صار للعين الشقيـه بريـد
بين جنح الدجى ونجومه السايـره
أتذكر لطيف الروح عنـق الفريـد
وتخيـل صعـوده سلـم الطايـره
كان ماجا من المجمول علمن وكيد
وبشرتنـي وقالـت للبلـد زايـره
والله إنه ولو صبري يقص الحديـد
مستطيع انتظر دور السنـه دايـره
الوفا والرجاء والعزم نعم الرصيـد
والتعاسه نصيـب العالـم البايـره

قصيدة للشاعر نواف بن رازن..

أقبل العيد مستفيض الجلال مستنير الشروق والآصال

أصبحت من صباحه الناس في بشـ ـر وأمستْ من ليله في اختيال

التهاني على الشفاه تراجيـ ـع تغنّت بفرحة الإقبال

والأماني بين الجوانح خفق دائب بالرجاء والابتهال

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق