قــصــة غـــرام
&قــصــة غـــرام&
أنـا لــي صاحب دايم يهـــددني بفرقاه
وكلمة نفترق ياسهلها لكان ناويها
وأنا احبه محبه صادقه من خاطري واهواه
عسى الله مايجيب الساعه اللي نفترق فيها
حبيبي ذقت انا طعم المحبه كلها ويــاه
وكيف اليوم صفحة حبنا بالحزن نطويها
تهنيت بغرامه والله اني حالفه ماأنساه
ولا فكرت ابنسى صاحبي والعشرة انهيها
عطيته صادق الاخلاص وأمشي دايماً برضاه
وكل أجروحه اللي قالها بالصدق أداويها
ولكنه يهددني وأنا مدري وش اللي جاه
يهددني بفرقه قاتله ماني براضيها
أضنه مستمع هرج العواذل يوم زل أخطاه
وقال الكلمة اللي حركت هاجس مغنيها
وخلا صاحبه يلعب مع القيفان في معناه
ياليت الليل جاء مع ظلمة يمه مضويها
وسرى هاجسه بالشعر والألحان ماتقواه
وردد كلمته لا يازمن لا لا تسويهـــا