قصيـــدة القهــــوة
قصيـــدة القهــــوة
تقوووول القصيده
مانيب هلباج على النـوم نعـاس
همه طعامـه ليـن كرشـه ملاهـا
نـدرج الدنيـا والأفعـال بقيـاس
عين نسعدها وعين نسحـن دواهـا
لا ضاق صدري جبت نجر ومحماس
ودلال بيـض غـالـي مشتـراهـا
قم سو فنجال على خمسة أجنـاس
وأحذر تجـي حرقـه وبالـك نياهـا
حتى يجي فنجالها يجلي الأعمـاس
عقب الصلف والسهر ماأكبر غلاهـا
خصص مشاكيل على النار جـلاس
حبوس الرجال اللـي بعيـد مداهـا
بدوا به اللـي للمعاديـن نطـاس
مودع سمان الهجـن يثلـع حفاهـا
والثاني اللي يثني العصب بالـراس
في ربعة يشبع بهـا مـن نصاهـا
والثالث اللي يحتمي دن الأفـراس
لا روحـت خيـل بخيـل حمـاهـا
وباقي الملا لو ماتقهويـه لابـاس
هـذارة المجلـس قليـل حـلاهـا
لا نافع ربعه ولا حـاش نومـاس
ضبـاط مـال ولا يـذري ذراهــا