قصيده حزينه

واحد اسمه بدر جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من أخوه هذا انه يخليها تنساه اقرأ القصيده والله تستاهل …. وراح تعرف معنى الحب الصادق

وصاتي لك مـن بعـدي …….. تمـوت فيهـا علشانـي

ابيها تعيش و تحيا بك …….. واظـل بالذاكـره مفقـود

وصاتي لك تنسيها ………. ملامـح وجهـي و تنسانـي

وتعزفها قصيدة حب ………. على عكس اللي عزفته بعود

وصاتـي لـك تبعدهـا …….. عـن اشعـاري وقيفانـي

تراها مغرمة بالحيل …….. ويشهـد لـي عـدد الـردود

وصاتي لك تسايرها …….. تـرى فيهـا مـن احزانـي

طلبتك لايضيق بالـك …….. طلبتـك والطلـب مـردود

وصاتـي لـك تناديهـا …….. حياتي..عمري..ازمانـي

أنـا عودتهـا دااايـم ………أدلعهـا وانــا مـوجـود

وصاتي لـك تعاملهـا …….. بطيبـه قلـب و احسانـي

تراهـا تـذرف الدمعـه …….. ودمعتهـا بليّـا حـدود

وتخبرهـا عـن الميـت …….. رحـل لايمكنـه بيعـود

وصاتـي لـك ترسمهـا …….. علـى قبـري وأكفانـي

أبيها لوحةٍ تبقـى …….. علـى طـول الزمـن محـدود

وصاتي لك تمازحها …….. وتشوف الضحكـة بأسنانـي

سعيتك ياضحك هالكون …….. طلبتـك لاتصيـر جلمـود

وصاتي لـك تقهويهـا …….. مـن دلالـي و فنجالـي

تراها تعشـق السمـرا …….. ويكفيهـا دخـون العـود

وصاتي لك تركّبها …….. على خيلي و علـى حصانـي

وربي فارسة من قلـب …….. شهـادة ماهـي لشهـود

وصاتـي لـك تسفّرهـا …….. بـلاد الشـام و لبنانـي

ترى يحلالها تقطف ورده …….. وردة من بلـد الـورود

ترى فيها عرق خالة …….. وفيها مـن جنـون السـود

وتنسيها ندم غلطة …….. أنـا فيهـا تـرى المقصـود

وصاتي لـك تكرههـا …….. فـي تاريخـي و عنوانـي

أبيها تلعن اللحظـة …….. وتلعـن كـل فـرح موعـود

وصاتي لك تكلمها …….. عن المجنـي وعـن الجانـي

وتخلّيني أنا الظالـم …….. وأنـا مـن حـرق الاخـدود

وصاتـي لـك تشبّهنـي …….. بـدمٍ أحـمـرٍ قـانـي

وانا هالقاتل السفاح …….. مجـرم مـن عصـر نمـرود

وصاتـي لـك تحلّفهـا …….. تتـوب تحبنـي ثـانـي

ترى يكفيهـا ماعانـت …….. ويكفـي حيلهـا مهـدود

وصاتـي لـك تنسيهـا …….. وصيـة قالهـا لسانـي

أنا اخبـرك رجـل موقـف …….. وانـت قدهـا وقـدود

صديقي مالقيت غيرك …….. يعـرف وشلـون تنسانـي

أمانه ضمها بقلبـك …….. تـرى بدر….رحـل مايعـود

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق