قصائد قوية عن الاهانة , اشعار قصيرة عن إهانة الحبيب , شعر عن الذل والمهانة

ماني من اللي يقبلـون الاهانـه*** دون الكرامه ماعليه من الغيـر
ان كانها جتنـي كـلام ولعانـه*** والله لسعرها على الغير تسعيـر
وان كانها وجهاً لوجـه وبيانـه*** رديتهـا رد البـدو للمضاهيـر
كلٍ على ماقيل يعـرف مكانـه*** وانا ولد شيـخً يقـود الطوابيـر
وجدي وابوجدي زعيم بزمانـه***انشد وتلقى مع هل العلم تقريـر
ولانيب من يظلم وساع البطانـه***اللي لهم عند الاجاويـد تقديـر
ارفع مكان اهل الكرم والامانـه***اهل السلوم الوافيـات المناعيـر
الرجل له مبداء وعلـم وكيانـه***ولايقبل الزله من الغير تحقيـر
ان كان غيري يرتجـي برتقانـه***فانا رجاي اللي عليـه التدابيـر
ماني من اللي يسقط الحق شانـه***لانه ردي في منزلة نافخ الكيـر
راع النساء ياليـل دانـا لدانـه***الساقط اللي يرتجـي للغناديـر
هـو يحسبنـه فايـزً بالشطانـه***صغير من ماشاه في دربه صغير
حتيش لو يمضغ حـلاوة لسانـه***مكشوف ما يحتاج للامر تبريـر
ساقط ويبغيله مع النـاس خانـه***يعقب ويخسى خانته فالمواخيـر

إشربينا ذل في جال الرصيف
وإرسمينا ظل ما يعكس أحد !
ولا تحرّي من ورا مثلي رغيف
دام ما يقدر على إشباعك بلد !

لـ نواف المزيريب.
.
.

خرّت بـمحـراب الظما سجدة العيش
ازمة وَحَل ولاّ السمـاء تشرب المــــا
عجوز يأس .. من الامل تنتظر .. إيش ؟
لاصار ريق الوقت من شربه .. اظما

لـ فيصل المهلكي
.
.
.

دقيقه … يامصور إنكساري / بأرتشف ذلي !
متى شرب ( الكرامه ) كان يرحم غصة إعجيّز ؟

( زمن ) وشهو زمانه .. يرحم أمك خله يولي
تعال وشوف وش خلا القهر في دآخلي /.. حَيّز !

لـ نآصر بن حسين
.
.
.

ظما … وارشف بلل ذاك الرصيف … ويرتشفني ذل
أفا … وين العرب ..؟ وين العرب ؟ … عن ذلنا راحوا .!

مدام ان صورة الذل .. الْ تشوفه .. هي بَعَض من كل
اجَل لاتْلومِنِي يوم العرب …. من نظرتي …. طاااحوا ..!

للرائعة العَنُود العَبْدالله
.
.
.

فوق الرصيف تحت السما
مو لاقيه ماتـت ظمـا!
ولسان من كثر العطـش
معذور لو جـرّح جمـا!
مكسورةٍ فوق الرصيـف
ويشوفها حتى العمـى!

لــ حسين العتيبي
.
.
.

اشربي ياساجده ثم اشربي
وان ضميتي ارجعي لنفس المكان

دامني ماقدر احقق مطلبي
لاترجّي مطلبك في ذا الزمــــــان

لــ عامر الشلاقي
.
.
.

هنا نساني زمن مدري نسيتوني
على رصيف الضما طالت مشاويري
ابشرب الموت قبل اشوف بعيوني
موت الحقيقه وشرب الموت من غيري

لــ سعيد العمودي
.
.

انابـــــــــنفسي رفـعتـــــــك وانــــــا اللـــــــــي أقـــــدر أوطـــيك
وارجـــعــــــك زي مــــــاكــــــــنت ماتـــسوى ماطــــــــى ترابك
لاتـــــــظن عـــــــــمري رهــــــــــينه ســــــايبه بين أيـــــــاديك
ولاهـــــــمـــــــني حـــــكـــــيك ولاأشـــكال تــــمشي في مسارك
روح ولـــــــــــــــّي والــــــدرب اللـــــــــي جـــــــابك يــــــوديك
ولاتـــظــــــن فــــــــــي بــــــــالك اتــــــــــنزل واسمعلك رجاتك
انــــــــامــــــــــا نـــــــــــدمـــــــــت على ماســويته لاجلك وفيك
انا نـــــــدمت عــــــــــــلى وقــــــــــــت ضيـــــعـــــته مع جنابك
روح وشـــــــوف الــــــشــقا فــــــــــي دربـــــــك يغـني يحتريك
ونفــــحــــــــات الـــــــحـــــــزن صــــــــريـــــرها يطرب حياتك
مــــــــــن كـــــــــــل قـــــــلــبــــــــي على خــيــانة نـفسك اهنيك
وانــــكــشـــــفــت ســـــــــود صـــــــــفحاتــــك وانكشفت غواتك
فيـــــــك الغــــــــــيــــــــــره اتـــبــــــــصمت واتـــمــــــكنت فيك
وصـــــــارت تـــــــــــســـــــري بــــــــــــدمك واتمثلت في كيانك
مـــحــــيــــــت انا مــرالـــــــقهر من طيــــــــــــــات مــــــاضيك
وفـــــتـــــحـــــتـــلـك قـــــــــــلب صادق وابــــــــــــد مادانــــــك
كــــنــــت لـــــــــك وافـــــــــي وحــــــــــــرصــــــت اني اداريك
وجرحت قلــــــبي بالـــــــخيانه لـــــــــيه؟؟ياقـــــــــساتــــــــــك
ورغـــــم الـــــــخــــــيــــــــانه والــــــهــــــجر مافكرت اعاديك
وسامـــــــحـــــــــتـــــــك بطيــــــبي ورديت بطــــــوع لاوطانك
ونسيـــــــــت ذيـــــــــــك اللـــــــــــيالي وصرت هـــــــــــــاويك
وابتديت عــــــــــــــهد الـــــــــــمحبه من جديد بحنـــــــــــــانك
ومالـــــــــحــــــــقت ابــــــــتـــــــــدي واســــــــمي وانــــــاديك
الا وصــــــابــــــــتــــــني ســــــــــهام غـــــــــــدرك واطـــعانك
حــــسبي على غـــــــــــدرك وحـــــــــــســــــــبي الله عليــــــك
وربــــــــي يــــــــــــآخذ حقــــــــــــي مـــــــــنك قــــــبل مماتك
وللاســـــــــــف بــــــــان قــــــــــصــــــدك وبانت هـــــــقاويك
وبانـــــــــــت لــــــــــــــي ســــــــــــود نـواياك وردى سواتك
وبـــــــــــعدك يرجع ودي الــــــــــمــــــــعهود واغليــــــــــتك
وصــــــــــــرت من عــــــــــرض نـــــــــاسي في مــــــــكانك
ولاعـــــــــــــاد ابـــــــي غـــــــــير بـــــعدك وهجر ليــــــاليك
واني امـــــــــــــــحــــــــيك من فــــــــكري واقـــــطع وصالك
ماحســــــــــــبت ان الســـــــــــعاده لي ماتـــــعـــــــــــنــــــيك
وانـــــــــــــك تمـــــــــــــنى لي الحـــــــــزن وهذي منــــــاتك
وانا اللـــــــــــي على كــــــــــــفــــــــــوف الــــــراحه اداريك
وابيــــــــــــلك الخــــــــــــير اكثر من نــــــــــــفسك لـــــذاتك

مقالات ذات صلة

زر الذهاب إلى الأعلى