غيمـــة حـــزن
غيمـــة حـــزن
مرحبا بكم أخواني وأخواتي أعضاء ومشرفي منتدى الزين , هذه مشاركة متواضعة بعنوان غيمة حزن تحمل عصارة أفكاري في مرحلة ما في حياتي , وأرجو أن تنال على إعجابكم واستحسانكم
أخوكم آهات عاشق
وشلون أنام وغيمت الحزن ســـــادت….وأضفت على الفرحة سواد(ن) كساها
وشلون أنام ونفحة الجرح فاحـــــت…..و تعطرت عوج الحنايا بشـــــــــذاها
وشلون أنام وشمسها يوم غابــــــت…..ضيع سواد الليل باقي ضـــــــــــياها
الفاتن اللي عذبت واستبــــاحــــــت ….عيون(ن) سهرها من شقاها وعـنـاها
ماهمها ورق(ن) على الغصن ناحــت…..ولا همها عرق(ن) عطش في ضماهــا
تجاهلت كل المشاعر وراحــــــــــت …. والمشكلة مابررت لي جفــــــــاهـــا
مدري تبي درب الغلا وفيه تاهــــــت…. ومشت دروب(ن) ضايع(ن) من مشاها
مدري لقت درب الجفا وفيه أستراحت…..مدري مغصوبة(ن) فيه ولا برضاهـــا
كانت بقلبي وين ماروح كانــــــــت …. كانت همومي تروح حزت لقاهـــــا
واليوم لون الدار مظلم وباهــــــــــت……ماعاد به قمرا تنور سمــــــــــــاهـا
وشلون حالي عقبها كيف صــــــارت….عزاة لو تدري وش اليوم جـــــاهـــــا
قولولها أحلامي من الياس ماتـــــت…..يبقى الأمل شمعة(ن) بيدها ضياهـــا
قولولها نفسي من البعد عانـــــــــت……قولوا حياتي معلقة(ن) في رجاهـــا
قولولها الفرقى على القلب طالـــــت….. ومجنون ليلى هايم(ن) في غلاهـــــا
ولا أسئلوها عيونها كيف نامـــــــت…..كيف نعست ونومها كيف جاهــــــــا
آخر خبر غيمة حزن يوم ســــــــادت…..أضفت على الفرحة سواد(ن) كساهــا