غيري من نمط حياتك يازوجتي 2019

ليه الست دايما اللي بتدور ازاي تسعد زوجها وهو لا؟
بصي ياحبيبتي انتي وهيه دي طبيعه المراه وفطرتها وطبعا زي ما احنا عارفين ان المراه خلقت من ضلع من ضلوع سيدنا ادم ومعلومه ادق كنت قريتها عن خلق السيده حواء وهي انها خلقت من ضلع من ضلوع القلب وسالت عن ايه الحكمه ف كده عرفت ان علشان الضلوع دي هي اللي بتحافظ على القلب وبتحميه وبتحتويه زي مادي طبيعه الست بتحافظ ديما على الراجل اللي في حياتها ابوها واخوها وبعد كده زوجها مهما قسي عليها او ظلمها هي دي فطرتها تستحمل وتشيل وكل حاجه
وكمان ربنا عظم حق الزوج على زوجته لدرجه انها وصلت انك لازم كل يوم تعرضي نفسك عليه ده مش كلامي ده حديث قريته في كتاب قبل كده وكان بيقول قال رسول الله صلى الله عليه وسلم(لايحل لامراه تبيت ليله لاتعرض نفسها على زوجها ..قالوا وكيف تعرض نفسها قال.. تنزع ثيابها وتدخل في فراشه حتى تلصق جلدها بجلده)
انا مش قصدي من الحديث اني اقولكم كلام خارج او مخالف لا ابدا والله بس للتوضيح
كل اللي جاب في دمغنا الافكار دي هي المسلسلات والافلام والزفت اللي بتبيت للناس بصفه عامه والستات بصفه خاصه ان الست لازم تذل زوجها وتمرمطه اصلها كل ماتذله هيحبها زياده ويعملها روميو وده طبعا والله لو دبحتي نفسك لزوجك ماهيعبرك ده كل طبعا بيخلينا غصب عننا نتعلم العصيان والتمرد وليه انا اللي ادور ازاي اسعده وهو لا وليه زوجي مش كده وليه وليه؟
انا كده جاوبت على سؤالكم يالا ورايا بئى على موضوع النهارده
وهو بعنوان
غيري من نمط حياتك يازوجتي

كتير منا بيشكي من حكايه الملل الزوجي او الخرس الزوجي او العيشه المقرفه بمعنيى اصح يعني مش هلف وادور وتعدي تقولي ليه حياتي بئت كده دنا كنت بعد اتخيلها ايام الخطوبه ايه ولا فيلم هندي يا اختشي
وفجاءه قلب فيلم ابيض واسود ويمكن اسود بس كمان ماتعرفيش ليه
طيب ليه كده ليه حيتنا ماتبقاش جميله ليه كل يوم مايبقاش شهر عسل
وحده تيجي تقولي والنبي ياختي اتلهي دنا كنت بتكسف اعمل كده ايام شهر العسل اعملها قدام العيال نوووووووو
اه ياختي قدام العيا فيها ايه يعني هيقولوا امنا اتجننت وماله مانتي مخلفه عفاريت يجننوا اللي مايتجننش
واحنا كده كده هنتجنن جنان بعقل ماتخافوش خليكو بس ماشيين ورايا واحنا هنتجمع كلنا في مستشفى المجانين باذن الله هههههههههههه وانا اولكم
المهم مهما كان نظام حياتك ماشي ازاي ف احنا غالبا معظم حياته ماشيه كده
تقوم من النوم تصحي زوجها تجهز الفطار وتكوي اللبس وتلابسه وتفطره وده كله وهيه بتام على رحوها ماهي طول الليل قدام المنتدى وبعدين يروح الشغل تصحي الغفر تفطر وتلبس وتعمل السندوتشات وتدودي الحضانه والمدرسه وترجع لشغل البيت شغاله زي النحله غدا وترويق وكله لغايه لما البهوات يجيوا وكل يوم على ده الحال والايام عماله تلف والمسافه اللي بينك وبين زوجك عماله توسع اه بتتكلموا واه بيكون فيه اتصال جنسي وكل حاجه بس بذمتك ده زي كان اول ما اتجوزتوا طبعا لاااا
وحده تقولي طب المهم ياست الفلحوسه عايزه ايه خلصينا عايزين ننام شويه صاحين من امبارح
حاضر هقولكم اهو هاتي ودنك
هذه وسائل هامه نفذتها زوجه مع زوجها فكسبته فحاولي انتي ان تكوني مثلها وتذكري ان اعظم وسيله تقوى الله تعالى..تقول:
1-اتصل به عند تاخره في العمل واسال عنه
في وحده صحبتنا ماشاء الله عمرها ماعمالتها يوم ماتتصل بالراجل يكون علشان مصيبه لدرجه انو قلبه بيقف لما يشوف رقمها
من الطرائف اللي سمعتها بخصوص الموقف ده ان كان فيه زوج عامل رنه زوجته سارينه عربيه الاسعاف
2-امدح الاشياء التي اشترها
مش وحده مجرد ماتشوف الحاجه علطول لسانها عايز يتقطع ياما جاب الغراب لامه من غير نفس اه حلو حلوه
3-اعمل الوجبه التي يحبها
اصل فيه ناس بتتفنن في انها تعمل كل الاكل اللي زوجها مابيحبهوش واقرب كلمه تقولها يعني اعمل ايه اعرف منين الاكل اللي بيحبه هو انا مغسله وضامنه جنه
4-اغير مكان الاثاث في المنزل بين فتره والاخرى
ودي بئى اول لما قولتها لاختي كان رده يغيظ هههههههههههه قالت اه ياختي وحيلي يتهد والعفش الغالي بيوظ ويتفسخ ده لايمكن ابدا
رغم ان الحكايه دي بتفرح الازواج جدا
5-اعمل مسابقه بيننا للجلوس لصلاه الفجر
اه يعني ممكن تخلوها لعبه وتتسابقوا على مين اللي هيقوم اسرع ويخش الحمام يتوضى بجد هتضيف جو من المرح فظيييع اسالوني
وحده تقول دنا جوزي بااااااااااارد دكتوراه في البرود بيشلي على ما يقوم تكون الشمس قربت تطلع يصلي وجري ع السرير
معلش جربي بس انتي معاه
6-اذكره باعماله في الصباح
اظن الكلام واضح باعماله مش طلاباتك وبقالتك
الطمام ياحبيبي والعيش والفاكهه و……..ارحمي ياوليه ماتكرهيهوش في ام اليوم من اوله
7-اشركه في همومي واخد رائيه
معظم الرجاله بتحب الحكايه دي اوي لانها بتديها ثقه في نفسها وبتحسسهم انهم لقمان الحكيم
بس خليكي ناصحه واختاري الوقت المناسب
8-اطيبه وابخره بين حين واخر وحاصه يوم الجمعه
برضو الحكايه دي بيفرحوا بيها جدا وبتحسسهم انه فعلا فارق معاكي وخايفه عليه وياسلام ككده لو قبل النوم تقرائي سوره الاخلاص والمعوذتين وتمشي ايدك على جسمه يا سلاااااااااااااام هيبصلك باستغراب وهيسالك طب ليه كده يعني
انا عايزاكي هنا بئى تستغلي الفرصه خليكي ناصحه وبكل مياصه وعنيكي عامله قلوب كده ميااااااصه انا عيزاكي تتفرفتي وتقوليله خايفه الناس يحسدوني عليك ياحبيبي اصلي بحبك اويييييييي اراهنك ان ماحضنكيش حضن ينسيكي اسمك ههه وابئى ادعيلي
هههههههههه

مقالات ذات صلة

زر الذهاب إلى الأعلى