عفوا عزيزتى حواء لازم ادم يفضل ادم..علشان تضمنى الجنه 2019

طبعا كلنا عارفين قصة ابونا ادم وامنا حواءوعرفنا كمان ان ربنا سبحانه وتعالى خلق امنا حواء من ضلع من اضلع ابونا ادم وده لحكمه عظيمه وجميله وهى حتى يكملوا بعضهم بعض مش علشان كل واحد فيهم يقول للتانى انا افضل منك فى شىء بل بالعكس خلقوا ليستؤنسوا بعضهم بعضا وانا مش هطول عليكم لان القصه دى احنا عارفنها كويس ..المهم عزيزتى حواء ساعدى ادم يفضل ادم على الاقل امام نفسه خليه يحس انه راجل وليه شخصيه حتى ولو كان ضعيف الشخصيه واعرفى انه زى مافى ليكى حقوق عليكى واجبات واعلمى ايضا ان البيت بدونك لا يساوى شىء واعلمى عزيزتى انك جنه جوزك واولادك وان لو هتخدى كنوز من المال ببعدك عنهم بس فيه كنوز من الحسنات شيلهالك ربنا برعايتك لزوجك واولادك اوصيكى حبيبتى ان تكونى جسر لزوجك يمر عليه وقت الضيق واعلمى انه ايضا بدونك وبدون حبك وتشجيعك هيكون قليل جدا امم نفسه وباستمرار احسنى معاشرته واعلمى انه هو ايضا جنتك وايضا نارك وانه سبب دخولك الجنهومش عايزهاقلك تعملى ايه مع زوجك علشان تخليه يحبك كل واحده فينا عارفه ايه هى الحاجات اللى بتفرح بيها زوجها وتسعده وايه ممكن ينكد عليه عيشته ويخليه ملهوش نفس لاى حاجه فى الدنيا وانا هقلكم على حكايه ناس اعرفهم كويس واقلكم مخاطر عدم طاعهحواء للادم عملت فيه ايه وفيها كمان نبتدى ادم كان زوج شقيان بسيط ومش متعلم بيشتغل عامل بسيط بيخرج من بيته الصبح بدرى والناس نايمه واوقات كتيره لما كان بيرجع كان ممكن تكون اغلبيه الناس نايمه المهم ادم تزوج من فتاه معاها الابتدائيه يعنى بتعرف تقراء وكان بأستمرار تحسسه بانه جاهل حتى فى تعامله مع اولاده كانوا لما ولاده يسألوه على حاجه ولو بسيطه كانت تقلهم محدش يسأل هذا الجاهل سبوه لانه مش عارف حاجه وكان الشىء ده بيأثر فيه جدا لدرجة انه كان بيفضل الخروج من البيت والجلوس مع الغرباء اكثر من زوجته واولاده وكانت الصله اللى بينه وبينهم هى الانفاق وبس زوجته تركته للهموم والاحساس بالنقص وانه اقل منها ومن ولاده اللى كان هو سبب وجدهم فى الدنياوكان سبب للاستقرار زوجه مكنتش عارفه قدر نعمة الزوج والبيت ومعنى انها تكون جسر يمر من فوقه الزوج وكمان ان الزواج مش بيت واولاد وزوج ينفق وبس ده مكان حب واهتمام ورعايه وامان وانك جزء لاينفصل عن زوجك ولازم نعرف كمان انه زى مافيه رجاله مفتريه فيه ستات كمان متستهلش نعمه الزوج الطيب وزى مافىرجاله شداد فيه ستات اللهم احفظنا ويارب نتعلم كلنا الاهتمام بازواجنا ونخلى بالنا من بيوتنا ونحافظ عليها واعلمى عزيزتى ان الصبر على ابتلاات الزوج ليه اجر كبير عند ربنا وشوفى بقى ياسعدك يالى تصبرى على زوجك ازى ربنا هيخصك بالرحمه يوم الحساب ويبنى ليكى قصور مش قصر واحد فى الجنه وده احسن مكافأه فى الاخره وربنا يحسن ختامنا اجمعين…..

مقالات ذات صلة

زر الذهاب إلى الأعلى